[poet font="Simplified Arabic,5,blue,normal,normal" bkcolor="transparent" bkimage="backgrounds/13.gif" border="none,2,darkblue" type=1 line=200% align=center use=ex length=0 char="" num="0,black" filter=" shadow(color=black,direction=135)"]
قصيده متواضعه ليست موجهه لأحد.. اتمنى ان تنال رضاكم واعجابكم...
انا لاكتبت الشعر لي فيه سبع بحور
اعلاه فوق الوصف وادناه لثريا
وانا لانطقت الحرف قلته بدون قصور
السهل لي ينصاع والوي الصعب ليا
ولاني بمشهور(ن) ولاني بعد مغمور
ولاني بمن يغتّر في ذاك او ذيا
قصيدي ليا قلته قلته بكل شعور
مابعثر اوراقي بهناك وهنيّا
امشي دروب العز من سارها منصور
ومن يطلب العليا لابد يتهيا
بالطيب اجازي الطيب واسمح خطا المعثور
وان كرر الغلطه يا ماله العيّا
واجمح غضب نفسي يوم الردي يّثور
ويامن ملك نفسه عند الغضب حيّا
واهوى طريق الصدق درب الوفا والنور
وان قال مغرور(ن) مازينا زيّا
من كانت اوقاته دايم فرح وسرور
لاجاته النكبات يملا الفضا ايّا
جرّبت انا وقتي شفته يلف ويدور
والوقت لي من راح يطوي العمر طيا
بعض العرب لاغاب غابت معاه شرور
وبعض العرب لاغاب يكوي العرب كيّا
من صابته دنياه ماينفعه محذور
دام القدر يمشي.. لاظل لافيّا
دنيا نسايرها بأيامها وشهور
عدل(ن) يبان بها وغي(ن) ورى غيّا
ياذا القصيد اللي دمّك غدا مهدور
من قبل انا لاجيك قد كنت لاشيا
افرح تراني جيت بالشعر والمنثور
العزم في قلبي والسيف بايديا
[/poet]
رد مع اقتباس
