القلب كنه لي على حد منشار = والعين تذرف دمعها ما تملي
ويا قلب خلك من عنا الوقت صبار=وأطلب من المولا لهمك يولي
الدهر يومينن سعاده وغدار = يوم(ن) سعاده وباقي العمر غلي
ويا رب تغفرلي ذنوبي يا غفار=من لي سواك اليوم يالله من لي
وش حيلتي لا صرت ضايق ومحتار= مالي ونيس ولا رفيق(ن) يسلي
مابه سوى اللي دايم يقدم أعذار=دايم أركابه بالردا به تفلي
لكن عزمي ما تردا ولا بار= ويمناي لفعال المراجل تشلي
ولقبل ضلام الليل شبيت أنا النار=ودقيت نجر(ن) للنشاما يهلي
وحطيت في الدله من البن وأبهار=وحطيت فيها العود وهذا هونلي
ومعي النشاما اللي لهم بالوفا كار=وسوالف(ن) منها العرب ما تملي
هاذي عوايدنا وعادات ال حرار= ماتنسى لو ويش لو ما حصلي
وهاذا منى قلبي ولو صار ما صار= وهاذا لهمي يالنشاما يجلي