[IMG]http://limo711.********************************************/5ainy.gif[/IMG]
~.~.~.~.~.~.~
دريــت البارحه إنك على فــــــلانه عــقـــدت قـــران
::: وهلـّت دمعتي بأسباب غدرك.. وصرت أنا اعــــانـي
أحـاول أكتم الآهات.. أحــاول أخــــفـــــي الأحــــزان
::: أحـاول ثم أحاول .. بس أشوف الدمع يـــعـــصـــاني
ولهت لصوتك .. لشوفك .. نويت اسأل عن العنوان
::: ولكـــن عزتـي عيـّت .. أهـــنـّي من تــــنـــاسـانـــي
وكل الناس تحكي لي وأنـا فــي خــــايــــني سرحان
::: أبد ما احـكي ولا انـطق .. وعبره تعقد لــــســـانـــي
بكت أمي على حالي بكى أبويه بـــكــــى الـــجيران
::: يحسبوني مريضه .. وخافقي من جرحه يعــــــانــي
كأني في بطولة فلم .. وكنت بدورك الـــســـجّــــان
::: وأنـا المسجون والمظلوم .. وكل ٍ صار شـفــــقاني
يمر اليـوم ما أدري .. وأتـّم لحالي الـــســـهـــران
::: أهـوجس فيها أيامي .. أفــــكـّر لـــيــه خــــلاّني ؟
رسمت بدفتري عين ٍ ... تهلّ ودمـــعـــــها جـريان
::: كتبت اسمك على سطر وكتبت اسمي على الثانـي
مسحت اسمك من الدفتر.. وقلت : الله يارحــمان
::: تشيل اسمه من الخافق مدامه للـــغـــلا خــــــاني
قضيـت الشهر في هم ٍ وفي حزن ٍ وأنــــا مرضان
::: أبـد ما افـارق فراشي ..عـدا في وقـــت الآذانــــي
وجتـني أمي وقالـت لي علامك خاطــــرك تعبان ؟
::: تخبريني وش الحاصل؟ وأنا في صدرها الـــحاني
عجزت أحكي عجزت أشكي وأنا من حالتي تعبان
::: يايمّـه ودي أشكي لـك .. ولكن عقلي ينــهـــــاني
الا يايمّـه يا روحي .. طلبتك تـــــــبعدي الأحـــزان
::: عنـك يانـظر عيني ولا .. لا تزيــــدي أحــــــزانــي
وجيت الحين ياخاين .. تقول اليوم أنــا ندمان ؟!!!
::: طلبتك تسكت وترحل .. بـلا كـــانـي ولا مـــانــــي
ألا ياخايـني يكفي من دموعــي مـــــــشت وديـــان
::: خلاص ارجوك فارقني وأنا يكفيني مـــاجـــــانــي
لعلمـك هالنـدم مايــنفع ولا يــــرجّـع اللـــي كـــان
::: تـرى هذا الندم مايزيـدك الاّ عندي حــقــــرانــــي
تـرى لو كنت مولوده على غـــيـــر أفــضل الأديان
::: ترى كنـت أنهي مأساتي بطعـنه.. وانتــه الجاني
خـلاص اليـوم أنا برحل .. وبهجر عالم الانـــسان
::: وبسـكن عالمي وحدي .. وأعادي حتـى خلانــي
~.~.~.~.~.~.~
مع جزيل الشكر لأستاذي الفاضل .. عشق ليل
على مساعدته لي في وزن القصيده
الذاهبه،،
رد مع اقتباس
