غبتي لحظه من حياتي
وانكسر في عيوني حلم بيت
هذي لحظه من حياتي
كيف لو غبتي شهر!
ليه غبتي وانتي عندي شي اكبر من غرام
شي من اكبر من حقيقه ومن حروف ومن كلام
جاوبيني ليه غبتي
وانتي بذاتي حنين
لو قسمته عالبشر كان كفاهم وزاد
ليه ياعمري البعاد
ليه اتعنى واعيش
عمري الباقي انتظر
لحظـــــــــــــــة وفى
انتي غبتي بس ليش
وانتي في عيوني مطر
ماخالطه صيف الجفى
هذي لحظه من حياتي كيف لو غبتي شهر !
من شعوري لا لقيتك
يبتسم ليل القصيد
واشعر اني لا كتبتك
امسح الكلمه واعيد
حتى شعري مايوفي
بعض حبك ومايكفي
بس وربي غيبتك
كنها الحزن الاكيد
يابعد عمر السحايب والمطر
هذي لحظه من حياتي كيف لو غبتي شهر!
من غيابك الف غصن ..مات عقبك وانذبل
ومن غيابك دمع طاح فوق خدي وارتحل
ومن غيابك شمع ذاب ماضوى ليل الامل
ومن غيابك صوت جارح مالقى فيني صدى
والف موجه في بحر مالح ماسقت ريقي عدى
كلمه فيني في غيابك ..جددت هم السنين
مثل مركب تاه فيني مالقى في الناس مرسى
هذا كله من غيابك يوم عذبني الهجر
هذي لحظه من حياتي كيف لو غبتي شهر ..
افتقد صوتك كأني قيد في سجن السكوت
واحضن سكوتك واغني اخاف من صمتك اموت
بس في لحظه اتحسس ..صوت قادم من بعيد
اشعره من دون ماعرف مصدره من اي مكان
واثرها نبضات قلبي تكسر سكوتك بصوت
صوت نبضاتي معك..تتبعك في كل سفر
هذي لحظه من حياتي ودمرت فيني الكثير
كيف لو غبتي شهر الله يعلم ويش يصير .........
وافي الوعد
![]()