السلام عليكم ورحمت الله وبركاته
كيف حالكم شبابس أعضاء منتديات غرابيل الكرام . ذوين الاخشم الطوال ؟.
على فكرة أي واحد خشمه طويل " سلت سيف " ترى ذيب امعط < لااحد يحسبن أسبه
المهم
قصتي قصه مع هذا المنتدى الرائع ملتقاء الشعراء :
كل ماجيت أكتب قصيدة واحطها مع ازملااي الشعراء راحوا المشرفين هداهم الله ينقلونها لشعراء المستقبل < شاب الراس ومازلنا شعراء مستقبل : المهم استفسرت من واحدن من الشباب وقال تنسيقك للقصايد يمكن السبب . وانا ولا اعرف كيف الشعراء بهذا المنتدى كيف ينسقون قصيدهم ويصير مرتب بيت عقب بيت
وكل ماجيت أب أنسق شف وش يحصل ::
مره القصيده ماتظهر .
مره القصيده مع كلمات كلينزيه تشبك مع الموضوع
واخذ وخل
قلت يمكن اسمي مستعار . الحين اسم دحبوب مستعار . ؟ وارسل للمراقب واقول دحبوب اسم ممتلك وراثه اب عن جد
وانا مازلت معفوس وحالتي حاله أضربها يمين تجي شمال
واخيرا طلعت معي هذه الأبيات توضح حالتي المزريه مع المنتدى ::
اشكي جهـل المنتدى .. عناء مــــن مستخـدمي
الـرد والموضوع معا .. وكلـــها مخــــتبصـــي
الكيـــف يكتب ياعلـي .. البـــلاء هـــذا المنتهي
المــــــوقع وعـــــلته .. يالله بالكلينزي نحفظي
والمسئول بالمنتـــدى .. مـــواضيـــعي ينقلـــي
وأرســـل رسالتـــي .. فـــــوق الميـــه تنتمــي
أنـــســـق قصـــيدتي .. لكنــــها لا تطـــــلعــي
أرتـــــب موضوعي .. لكنــــــه يخــــربطـــي
والكل هنـــا يقهقـهي .. دايــــــم علــــي يعلقـي
وانا عضــو نشبــتن .. المواضــــيع اخـــربـي
وصـــرت كالدجاجه .. فــــوق الفحم أشــتـوي
وصــــرت كالفرامل .. أو كالمكــــينه الهندلــي
والمشــرف يحذرني .. والثانـــي زود عللــــي
وأنا جالـس ادن دني .. بيـــن الأبيـــات اوازني
والـــمنتدى وصوره .. يجلـــس ساعه يحملـــي
ولــو تراني أبحـــث .. اســــئل أهـــل الخبرتي
فــوجـــدت كحـالتي .. قنيطــــة لا يعــــرفــــي
صرت كما الددسني .. وهيــــج ثـــوب الطملي
وصرت كالأصمعي .. صـــوت صفيـر البلبلـي
وبــــــه أختم قصتي .. وصلــوا علـــى النبـــي
: وعليه أفضل الصلااة والسلام :
وسلامتكم
وبعد القصيده هذه
اريد طلب واحد فقط
يالــــــــــيـــت شــــرح مصـــور كــيف أ نـــســق قــصيـــدـــتــي
ولكم خالص تحياتي
دحبوب سلطان