[align=center]تدخل نبوضه وهي لابسه فستان ابيض ومنقّط بأحمر تقل لابسه شماغ...وتجلس على احد الطاولات مرتن تطقطق اصابعها..ومرتن تأخذ خصله من شعرها وتلفها الى ان تصبح حلزونية الشكل
وفي لحظه..دخل عليها ذالك الرجل القصير..اجلى الجبهه..عريض النحر..ممسوح العين اليمنى..جعد الرأس..افحج=====حشى المسيح الدجال مهوب آدمي
ثم وقف ورائها ووضع يديه على عيناها وقال: عرفتيييييييني؟؟
نبوضه: ايه..حليمه بولند؟؟ يعني مين بالله؟؟ مع هاليد اللي كنا يد ديناصور مسافره شغّالتهم وقاعد يغسّل الصحون صار له اسبوع
الدحمي: ياحبك للتجريح..جاملي على الاقل..هذي جزاتي جايب لك عطر معي كمان
نبوضه: عطر؟؟
الدحمي: من قال عطر سمع
فجاه تطلع اغنية مدري من وين
يانا يانا..في حبيبي اموت انا...اموت انا بحبيبي اموت انا في لهيبي وعذابي لحبيبي وحبيبي مودرابي
ويقوم يركض واركض وراه..بغيت اطير من السرعه
وتجيني نعال على خشتي من المخرج:يالكمخه الحين من الرجال ؟ انتي والا هو؟؟ خليه يركض وراك ياحظي
واقوم اقسم شعري نصين واربطه عشان لايطير من الهوا...وماسكه شوكه وانا اركض...ومن الحر صاير وجهي احمر..تخيلو...شفت روحي بالمرايه على بالي ابليس
المهم...
اركض وهو يركض..واركض وهو يركض..اركض وهو يركض...قسم بالله نسيت السالفه وخشيت جو على بالي نلعب غميمه
واروح اتخبّا...وماطلعت لهم الا ثاني يوم...وبعدين تذكّرت اني قاعده اسوي دعاية لعطر جديد من ((محمود سعيد))
وبس وش تبون الحين؟؟
ماعلينا
من القصه السابقه نستنتج ان التلفزيون هالسنه في رمضان...صاير حفله...بالذات قناة ام بي سي..تشوف بالونات وكيك وحلويات وحاله
يعني من جد..الدعايات اكثر من المسلسلات...والبذات دعايات العطور..هالسنه بزياده...مدري وش قصدهم..شامين ريحتنا خايسه والا وش السالفه.؟؟
رازان..حليمه بولند...احلام...وكل الشله هذي...كل وحده سوّت لها عطر
وحاليا الفنانه عتاب قاعده تدرس مشروع زي كذا..لكن حبّت تغيّر بحيث تسوي دعاية فليت بف باف
عموما
شفتوا دعاية العطر اللي فيها اغنية عبد الحليم...شفتوا ذيك كيف تحضن العطر..؟؟؟ وربي ماخذه كورس في القناة الاولى عند بزارينا
ماعلينا..نجي للمسلسلات
اللي كل واحد يقول للثاني((انا ابيخ))
مسلسل فجر سكورسيزي مدري فجر السعيد ..الامبراطوره
تققولون راضعه من فلم امريكي======وانتي كل واحد ترضّعينه من اي مكان
والله كنت ناوي اتابعه
لكن شفت اول حلقه خطف ومخاطف وجرايم وقتل ومافيا....شدعوه
عاد اكثر شئ يقهرني يوم اني طالعه من سواقنا بروح السوق ذاك اليوم
وكل شوي اشوفه يحط يده على فمه ويضحك
قلت له: وش السالفه ياابو الشباب؟؟
قال لي:انتا شوف مسلسل ظهر مدري مغرب مدري فجر؟؟
قلت له: وش فيه؟؟
قال: خخخخ لا كلاص مافيه شئ..بس ثاني مره انت يبغى يطنّز على فلم هندي..شوف مسلسل مال انتو قبل...اجل فيه اهد سوي جنجال وروح شرطه من اول هلكه؟؟ همد وشكر لله
وبيني وبينكم طاح وجهي ماعرفت وش اقول له..صرنا شماته لابو هنّود
عاد نجي لثاني مسلسل..وهو تقريبا احسن مسلسل عندي
صاحبه الامتياز
لكن الممثلين ماادري وش فيهم ياويح قلبي
وبالذات شهرزاد مدري شهريار
تقل متروّشه بـ بكينج بودر
والا اذا حطّت روج احمر..كنها مقلة تيفال
خلوها على جنب وتعالوا للمياء طارق..مدري مين اللي قاص عليها وقال لها ركبك بيض
استغفر الله
والامشعل...ذاك صديق اخو بنت صاحبة الامتياز====ياليل مااطولك
انا للحين ماادري منهي غرام؟؟ هو والا ذيك ام براطم
عاد كل شئ ولا صديقة بدريه..ساره
عجبني عامر يوم يقول لها((ابو عنتر)) اي والله وهو الصادق
و24 ساعه قاعده بالحوش عند بدريه..مدري امها يوم حامل فيها متوحمه على عنز؟؟
عموما...نجي لـ سميره هي وحبيبها صبري اللي كنه كعبول..ماابي احش فيهم..رمضان كريم=====قولي قسم
احسن شئ في هالمسلسل امل العوضي..مع انها مو حلوه وشعرها خشن ووجهها كله حبوب استغفر الله=====احم وش فيكم تطالعوني؟؟
ماعلينا
نجي للمسلسل اللي بعدوووووووو
طاش ماطاش..====التقليد مهوب الاصلي
طاش كانت غلاته من غلاة فيمتو وتانج..ومااقدر استغنى عنهم برمضان
لكن هالسنه زودوها حبتين
رغم ان فيه حلقات واقعيه زي حلقة مصر ولبنان ..لكن برضو فيه حلقات بايخه ومكرره وافكار مستهلكه...مااااش..ماعقبنييي� �ييش
اما طاش الاصلي..مااددري وش يبي بصراحه
لاتعليييييق
***********
مسلسل الفريه
ماتابعته كثير..لكن احب اوجه نصيحه للمخرج..اذا تبي حياة الفهد تمثّل مره ثانيه..لاتستشور شعرها وبعدين تطلّعها في عز الصيف
*********
اممم ايش كمان؟؟
بس..
ط
ط
ط
طحياطي
نبوووووضه[/align]