بسم الله الرحمن الرحيم
[poem=font="Simplified Arabic,5,red,normal,normal" bkcolor="transparent" bkimage="backgrounds/34.gif" border="none,4,gray" type=2 line=0 align=center use=ex num="0,black"]
قم يا قلم واكتب من أفـواه القصايـد مذهلـه=رتّب مساحات الظـلام وشـب ضـوّ القايلـه
قصة تراود خاطري وافكـار جـت متسلسلـه=من دون أعرج بالفكـر فـي نظـرة متمايلـه
( أخايل ) بروق العطر فـي يدّهـا متغلغلـه=واسمع رعدها فالحنايا ,كل عـرق ( أخايلـه )
واشوفها رشـت عطـر ( هتانـه ) متجولـه=فوق التراب المخملي , أرضه سماي المايلـه
واشوف سيل من المطر يشرب جسدهـا يـبلله=وشلون ذاق من الشهد علـى طريـق سايلـه
مدري مطر يروي زهـر والا زهـر يكبلـه=كيف الزهر يغري مطر مـن نظـرة متفايلـه
واليا انتهت ابقى انا من مشكلـه فـي مشكلـه=اجمع حصاد ٍ طايله لـو قلـت مانـي طايلـه
يا عطرها لا تحسب الموعد بدونـك معضلـه=كانك مطر , في ارضها كل ( المروج ) الهايله
عطر ٍ سقاها غيمته وشلـون اكابـر واجهلـه=لا ضمهـا واشتمهـا يعمـل معـي عمايلـه
ماقلتلك قم يـا قلـم واكتـب قصيـده مذهلـه=اكيـد لازم مذهلـه مدامهـا مـن ( عايلـه )
[/poem]
رد مع اقتباس
