SIZE="6"]g]السلام عليكم وألرحمه
بنات انا عضوه جديده وحبيت منتداكم ومساعدتكم حق بعض
انا متزوجه من سنتين وجدا خجوله
استحي اقعد ويا زوجي وأسولف معه تخيلو لحد اليوم ماتكلمت معه اكثر من دقيقتين وانا اصلا أموت عالسوالف اتعب لو قعدت ساكته حتى هو يستغرب لما يشوفني مع خواته اسولف وجذي
أهواا عسول واجد معاي طيب وحنين ومايرفض لي طلب رومانسي ورد وهدايا كل فتره وحبي الاول
احس اني مطفرته مااعطيه وجه يعني اللي يبان علي وانا العكس ميته عليه و دايم أصد عنه
مشكلتي مااعرف اطلب منه احس ان اللشي اللي اطلبه ماله طعم ابيه يجي من نفسه*
وبعد مااعرف افضفض حق اي احد وماحب حتى اقرب الناس لي مااقولهم
وهو لما يشوفني متكدره يحاول يعرف ليش ولا شالسبب ويزعل اذا ماقلت له
لانو انا لما ابين له زعلي ودي احس انه وياي ويخفف عني مب يحل لي مشكلتي *
انا شخصيتي غير كذا أبدا شخصيه قويه ومتطلبه وناقده وعنيده
وماحب احد يفرض رأيه واحب أتدلل على أبوي علي
اما الحين وحده ماعندها راي بس معاهم *اضحك حتى لما آتكلم جد عباالهم امزح
وويا نفسي بس أصيح ونفسيه وثقتي بنفسي عدم*
كنت احس ان كل شي بهالدنيا من حقي *والحين احس انه مو حقي اطلب اي شي
جد ابي أتغير حياتي صارت روتين ممل وصمت وهدوء
ابي اصير رومانسيه وشخصيتي تصير غير وكمان خايفه يستغرب التغير اللي ودي اسويه*شلون أبرر له تغيري
قرقت عليكم واجد وكلامي مب مرتب ويمكن مب مفهوم بس احس ارتحت يوم فضفضت [/SIZE]