دارت احداث هذه القصه قبل الف عام
دخلت شهرزاد على شهريار وهو توه صاحي من القايله نايم عقب سطل اللبن اللي شاربه
مساء الحب مولاي شهريار ,,,,,,
هلا شوشو وعلى وين العزم لابسه ومتكشخه ؟؟؟
ابد بمر على فشفشزاد وبطلع انا وياها معزومين على حفلة أملزاد ,,,,
ماشاء الله وش المناسبه ؟؟
توها متخرجه طبيبه من دار ابن سيناء للطب ومسويه حفله وعازمتنا كلنا
طيب لاتتأخرين انا ماعندي حريم يسهرون للعشا فاهمه <<<<< تعال شف حنا نسهر لين متى ياحمش ههههههه
أمرك مولاي <<<<<<< حالفه في نفسها انها ماترجع الا الصبح
طلعت شهرزاد وقام شهريار وشوي جاه الحاجب
اخوك سعوديار يبي يسلم عليك ,,,,
ايه خله يقلط ,,,, خش اخوه سعوديار وسلم عليه ,,,
يالله حيّه ماتنشاف يالقاطع
ابد مشاغل بس نطارد ورا الاعضاء يمين ويسار بالمنتدى وانت وش اخبارك ووش اخبار حرمكم المصونه شهرزاد ؟؟؟
بخير توها رايحه لحفله لصاحبتها
هي للحين تقرق عليك بالليل بقصصها اللي ماتنتهي لين يصيح الديك ههههههههههههههههههههه
تضحك بلاك ماجربت وحده تقعد تهذر فوق راسك 4 سنين من العشاء لييييين الصبح ياخي ماتنتهي قصصها صدق اول كنت متحمس بس بالاخير زودتها مرررررره
وشلون صابر اعوذ بالله اربع سنين هذره وقصص ؟؟؟
هههههههههههههههههههه لاتخاف دبرت عمري قلت للخادم كومار اذا جت الساعه 1 وحده ونص ينزل تحت شباك غرفة النوم ويصيح مثل الديك وهي بتحسب الصبح وصل بتختم سالفتها مثل العاده ( وادرك شهرزاد الصباح فسكتت عن الكلام المباح ) خخخخخخخخ
هههههههههههههههههههه والله منتب سهل طيب وبعدين
ابد هي تنام من هنا وانا انزل افلها من هنا رقص وصرمحه مع بقية الجواري بالقصر للفجر هههههههههههههههههههه
ههههههههههههههههه شكلها بتصيدك ليله وتجيب العيد فيك ,,, المهم انا استاذن بس جاي اودعك وراي سفره انا ورفيقي سندباد لكم ديره وراجعين بعد شهرين 3 حسب الجو
والله مالقاها الا انت وهالسمرمدي الداشر سندباد فالينها من ديره لديره وانا هنا بس مقابل شهرزاد وقصصها ,,, يله ترجعون بالسلامه
وصلت شهرزاد وفشفشزاد لدار املزاد العامره وقابلتهم وحده رحبت فيهم ودخلتهم لقاعة الاحتفالات
هلا هلا يالله حيّهم وسلمت عليهم امواااح امواااح حيّا الله من جانا ,,, سألتها فشفشزاد
اقول املزاد من اللي فتحت لنا الباب اول مره اشوفها عندك هنا ؟؟؟
هذي شغالتنا الجديده توها مالها اسبوعين اسمها النجلاء
قصدك النجلاءزاد ؟؟
لا النجلاء بس من غير زاد ولا عاد
قطع وش هالاسم ومنين جايبينها ذي شكلها غريب
مدري يقول ابوي جايبينها من جزيرة العرب
قططططططططع ولا لقيتوا الا جزيرة العرب كلهن خاملات ولافيهن السنعه ,,, وتعرف تشتغل وتطبخ او من جنبها
من جنبها والله هي تحلف انها كانت مشرفه هناك على غربله مدري طربله مافهمت عليها والطبخ الله لايوريكم مرقوق مدري كبسه وحنيني ومطازيز ,, الله يكرم النعمه مدري وش هالاسامي قلت لا اشوفك تطبخين شيء من هالخرابيط روحي تعلمي من الطباخه حقتنا شامهزاد وبعدها اطبخي
ايه انتبهي عليها بس من طلعات السوق او البقاله تطيح بواحد من ديرتها وتنحاش معه ههههههههههههههههه
لا لاتخافين هي كل يومها متعنقطه بالدريشه بس منتبهين لها واذا جا الليل تكتب رسايل لاهلها وبس ,,,, تعالوا اعرفكم على خويتي اللي تخرجت معاي بغدادزاد الامجادزاد وباقي الزادات هنا بيعجبونكم ,,, الا شهرزاد علميني وش اخبار رجلك النسونجي شهريار للحين تقصين له كل ليله وتهذرين عليه ؟؟؟
لااااااا من جدك انتي كان اموت والله وهو بعد مايشبع من هالقصص ,,, اتفقت مع خادمنا كومار اذا جت الساعه 1 ونص يجي تحت الدريشه ويصيح مثل الديك خخخخخخ وانا اذا سمعت صياح الديك ختمت القصه مثل العاده ( وادرك شهرزاد الصباح فسكتت عن الكلام المباح ) وهو ينام على طول وانا بعد انام وارتاح وراي قومه الصبح وبزارين ومدارس وذا يبيني اقابله طول الليل اهذر عليه ههههههههههههههههههههههه بس الليله تركته وفيه حمى محموم شوي والظاهر معاه عنقز بس انا لاعبه عليه وقابله له حب شباب وهو فرحان تكفين املزاد بعد الحفل تروحين معاي تكشفين عليه
:mf_popean
ماشاء الله دبرتي عمرك اجل ههههههههههههههههههههههههه هه خلاص ابشري بعد الحفله
النجلاء راحت لغرفتها تكتب لاهلها رساله وتقول وشلون عايشه هناك وتقول ان معزبتها املزاد طيبه مررره وماتطقها باليوم الا مرتين بس اذا صحتها الصبح من النوم واذا صحتها العصر بعد من النوم <<<<<< طيب لاعاد تصحينها يالخبله هههههههههههه
نرجع لشهريار اللي مع الحمى وارتفاع الحراره طقه النعاس ونام ومع الحمى وسوالف سعوديار وسندباد بدا يحلم ورأى فيما يرى النائم انه بعام 2006 و وو
تدرون عاد ما ابي اطول عليكم ,,,, الجزء الثاني بنشوف احلام شهريار في 2006 ووشلون الطبيبه املزاد عالجته من السخونه والعنقز اللي فيه
وادرك النجلاء السحور فانحاشت قبل مايصير عليها غسل مواعين السحور والفطور
ههههههههههههههههههههههههه ههههههههههههههههههههه
تحيتي لكم كل ابوكم والى اللقاء بالجزء الثاني
رد مع اقتباس
وأصير العب فيها بالحبل مثل هالصورة
وراح الطب في خرايط أم أم ألي جابوه لابو بن سيناء لا بو صحرا الربع الخالي:36_1_40[1 
[/img]
[/mark]
icon_evil
[/align]
