حب البعارين ودلعهم
يكثر في فياض الصمان الابل لكبر المساحه وحسن المرعى
وكثرة الربيع وقت الامطار
(الله يجيب السيل)
وايضاً وجود الدحول التي تختزن الماء في الصيف
(الدحول: جمع دحل وهي الحفر العميقة الملتوية في الأرض وتكون
في اماكن منخفضة من الأرض تنحدر السيول فيها اثناء موسم الامطار)
من هذه الابل حاشي مراهق ممشوق القوام
أبيض اللون كثيف الشعر على الرقبة والحلق والرأس
وذروة السنام يمشي
متبختراً بجماله = (يقولون عنه زين أنا ما شفته ما بحط بذمتي)
كل همه يتندح بين هالنياق الصغار
خاصة (البكار)
ويضمنها لا هيئة ولا شي ....
المهم00
مرّت الايام وهو على هالحال همه
أكل وشرب وغزلي في هالنياق
وكل شوي يغير قصته وكل شوي حركة جديدة
يوم جا ذاك اليوم على عادته إلا هاك الناقه واردة الماء وتبي تشرب
وماقدرت قال هذي فرصتك وقم وافتح لها حنفية الوايت كلها
قال: اشربي لا تروحين للدحل وأنا فيه
على غير أهلها ماتجيب راس مالها0
شربت لين رويت ومسحت شفايفها بمنديل عشان مايتلعوط الروج
وقالت:
الله يعطيك ألف عافيه توني زملت من نزلت هالدحل
وعلي هالخف الكعب يزلّّق!!
قال الحاشي:
على شانك تحملت الصعايب
** أذوق المر لأجل رضاك حالي
ابتسمت الناقه وصكّته بذيك النظره اللي بغت تجيب أجله0
تنهّد وقال:
الله اكبر كيف يجرحن العيون
** كيف مايبرى صويب العين أبد
احسب إن الرمش لا سلهم حنون
** وأثر رمش العين ماياوي لاحد
يوم روّح لي نظر عينه بهون
** فزّله قلبي وصفّق وارتعد0
ضحكت الناقه ودرت انها لعبت في سستمه (يعني نظامه)
00عطته وراها ومشت على هونها وهي
تومي بذيلها00
يمنة ويسره00
وقلبه يروح يمين ويسار 0
قال آآآآآآه
وانعطف هاك الشعر فوق المتون
** وانثنى عوده وقفى وابتعد
طال الليل على خوينا الحاشي متى يجي الصبح؟
00كل شوي يطالع في ساعته الريموندويل الجديدة
ماصدق اانه يسمع صوت الراعي يذّن
00طمر من محلّه
وراح يدور عند الشبك وهو يطقق خفوفه
00 طبعاً ماله أصابع00
ويروح ويجي لين طلع النور وجا الراعي وفتح لهم 00
هو يقاله صغير والا
الأبل مايصّك عليها00
ما صدق خبر وراح عند الوايت يحتريها تشرب 00
جا الراعي قال:
خير ان شا الله ،،،، وش جايبك أنت وخشّتك كل ذا ضما؟؟
تلعثم الحاشي00
وقال: هاه لااا أبد مافيه شي
بس طاح كبكي أمس هنا وجيت ادوره0
قال الراعي:
أقول بلا استهبال كبك وانت عليك ثوب ساده يله ظف وجهك مع باقي البعارين لا ألكمك وأغير ملامحك!!
لٌقّط وجهه خوينا وراح0
قال: خيره انها ماسمعت وش قال لي الراعي
كان طحت من عينها ولا عطتني وجه00
المهم وهو يكلم نفسه الا هذي رفيقته تقابله
يوم شهق من الفرح
أمّا بعير يشهق كثّر منها) <<< مداخله ما لأمها داعي
وقال:
كفاني عذاب الله يجازيك بافعالك
** جرحت الضمير ولا طرالك تداويني
ضحكت الناقه ذيك الضحكة اللي شلعت قلبه
وقالت:
ياعل قلب ماشكا الحب والتاع
** تنهار من فوقه محاني ضلوعه
ياما نهيت القلب لا شك ماطاع
** ماطاع يدله والليالي تلوعه
أثر الموّلع دمعته تجرح القاع
** والى ذكر مافات هلت دموعه
الحين تاكد الحاشي إنها تبادله نفس الشعور00
ارتاح خاطره واسفهلّ
وماعاد خذته الدنيا00
مرّت الايام
وكبروا وكبر حبهم معهم ،
يلتقون كل يوم ويتبادلون المشاعر والاحاسيس 00
وفي يوم من الايام وهم قاعدين على ذاك الطعس
إلا يوم مرت ذيك الناقه العفراء00
طيّّر عيونه رفيقنا مشبّّه عليها00
مهوب قصده شي! بس عينه زايغه
انتبهت له الناقه خويته وطمرت من محلها
قالت خلها تنفعك الله يمّليك ببركتها00
انتبه خوينا انه اخطأ ولحقها
وقال:
وّقفي اشرح لك الموضوع
00التفتت عليه وقالت:
مدام قلبي لك شفوق وميلاف
** وراك ياخلي قليل المروفه
قلّي عسى مابه على الخاطر خلاف
** عسى حبيبي ماقصر دون شوفه
لا لا تعسر القلب في كل محراف
** واحذر يجي عقب الموده حسوفه
دوك الدموع بحاجرالعين وقّاف
** لاانت بماسكها ولاهي ذروفه
تحسّف ابو الشباب
ودرى انه غلطان
وانه حسّها رد عليها وقال:
لك حق تزعل ثم لك حق نرضيك
** مااقوى زعل حبيب قلبي وعيني
مدام قلبي ياريش العين مغليك
** اطلب ولك روحي ومافي يديني
يوم الله احسن صورتك خصّني فيك
** فيك الجمال وصادق الحب فيني
( ههههههههه ميته من الضحك جواهر )
وألحقها بعد بقولته:
مشتاق لك لا تبتعد عن عيوني
** ياشين فرقى من تولع به العين
لاصرت مبعد يا الغزال الفتوني ((أمّا غزال كثر منها)
**أحس بايام العمر صارت سنين
ياما وياما بالعذل عذبوني
** وأحاول أتجاوز كلام العذولين
وقفت وتبسمت 00
وارتاح خاطرها00
وهو تنهد قال:
هاه طاح الحطب ؟
قالت آه ياااني
لو كنت أأدر اسيبك (مأثرة بالمسلسلات المصرية الناقة)
قام عاد هو وانشد:
ليله خميس طرز بها نو القمر
شط البحر
نص الشهر
والليل من فرحو عريس ليلة خميس
وشيلوها يله
وعاشوا الاثنين في سبات وتبات
وخلفوا حواشي وناقات0
وزغرودة حلوة للعرســـان
رد مع اقتباس
انا كلي لجل عينـــك 
شـوشو
icon_evil
