السلام عليكم ورحمة الله وبركاته
هارد لكم الخروج من اسيا يازعماء
ولعل الخروج ذا خيرة عساه يضبط لنا الفريق من اول وجديد ونحاول الكرة الموسم القادم
ياشباب الكل لاحظ الهلال في هالكم موسم ضايعة صورته , وبدا يفقد هيبته شوي شوي
الهلال صار فريق مزاجي , مباراة يلعب لك مضبووط وعسل واتحدى فريق يهزمه , روح وقتال وابداع وامتاع في الملعب
ومباراة تحسه فريق درجة ثانية ويلعب مباراة ودية في نهاية الموسم !
هل يعقل بان يكون الهلال لعبة في ايدي بعض اللاعبين !
نعم اللاعبين , ماراح اقول المدرب لان المدرب ممتاز واكثر من ممتاز ف زلاتكو قدم من نصف موسم واعاد ( القليل ) من متعة الزعيم
اللاعبين هم المخطئين وعليهم اللوم 100%
كل لاعب يلعب بمزاجه , مباراة كويسة مباراة مو كويسة , مباراة يلعب بروح والثانية تلقاه نايم !
يعني لانك جددت وضمنت مستقبلك خلاص ماعاد يهمك تلعب كل مباراة كويس وتأدي المطلوب منك ؟
من متى الهلال زعيم اسيا نادي القرن صار يفوز ب ( مزاج ) اللاعبين !
صرت كل مباراة ادعي يكون مزاج اللاعبين كويس اليوم , عشان نفوز !
الهلال لازم له ادارة تضبط لاعبينه وتعلمهم انهم جالسين يلعبون باسم ( الزعيم ) اعرق اندية اسيا واكبرها
مابي اقول ادارة عشان محد يقول انا ضد الادارة
انا ابي مدرب شديد وحازم, ابي مدير كرة شديد وحازم ضد اللاعبين , ابي اي شيء يرجع لي فريقي الي اعرفه ونعرفه !
مدربنا تمام التمام وتكتيكه بطل وخططه كويسة ( الا اان عنده مشكلة الخوف وبطئ التبديلات ) لكنه مدرب درجة اولى . بس يمكن انه مو حازم وشديد مع اللاعبين , ممكن المشكلة مو من المدرب نفسه ومايحتاج نجيب سامي ( مدرب ) بدال زلاتكو , اذا كان سامي شديد ومستعد يعلم اللاعبين انهم يلعبون من اجل الهلال ويصحيهم من سباتهم , ممكن نخليه مساعد مدرب او مدير كرة بدال المفرج
انا ماني ضد ادارة بن مساعد او ضد زلاتكو
انا ما ابي تغيير مدرب او ادارة !
ابي ترجع هيبة الهلال ابي فريق اول ابي فريق مرعب ابي ناس تحترق عشان الشعار
غيروا الادارة غيروا المدرب ابي هلالنا يرجع ابي هيبته ترجع , كفاية كذا اللي يسوى واللي مايسوى صار يتكلم بالهلال , حرام والله حرام
رد مع اقتباس
