بـــســـم الله الــرحــمــن الــرحــيــم
الاخوة الاعزاء في هذا المنتدى الشامخ بـإذن الله تعالـى
أطرح بين أيديكم هذه القصيدة الاجتماعيه وهي نصيحـه
أسأل الله أن ينفع بها من ضل عن طريق الحق وأن تكون
من أسباب هدايته ... وآمل أن تحوز على رضاكم,,,,,,,
[poem=font="Simplified Arabic,6,blue,bold,normal" bkcolor="transparent" bkimage="backgrounds/11.gif" border="ridge,6,limegreen" type=3 line=0 align=center use=ex num="0,black"]
أبدأ بذكـر الله قبـل بِـدع الأبيـات=الواحـد المعبـود رب السـمـاوات
رب البشر عالـم جميـع الخفيـات=اللي خلـق لأنفـس ويعلـم خفاهـا
==
ومن بعد ذكره عندي أغـلا نصيحـة=للمستمـع فيهـا فوائـد مليـحـه
من هاجسي وأغلا بيـوت القريحـة=أغـلا بيـوتٍ صغتهـا وش حلاهـا
==
نصيحـةٍ لهـل القلـوب الفطيـنـة=للـي يبـي عقلـه ومالـه ودينـه
لا يتبع أهل الشـر ضاعـت سنينـه=ومن يتبع الأشرار يصبـح عشاهـا
==
من يتبع الغاويـن ضاعـت حياتـه=وراء السمـوم اليـوم ودّه وهاتـه
وعزّيـل رجـال ٍ يسـوّي سواتـه=أنا أشهـد أن عينـه بكفـه عماهـا
==
عميت عيونه ليـن طـاح وتبهـذل=وأخطاء طريق الخير عقب القدم زل
وأهل الـردى حطـوه لشّـر منهـل=كـل ٍ يـورد سلعتـه مبتغـى هـا
==
أشوف لي نـاس ٍ سـوات البهائـم=وراء البـلاوي دائـم الـدوم هائـم
واليا نصحته قال مـا هيـب دائـم=حسب المـزاج أليـا تكـدر شراهـا
==
إبليس وسوس لـه وصـار ايتجـرّا=حتـى وقـع وأدمـن وقـام إتحـرّا
متى يجي مـن يسعفـه كـان مـرّا=لين ٍ نفسـه فـي المهالـك رماهـا
==
حتى انتهى مخه وجافيـه تشويـش=وخلا الوظيفة واخطته لقمة العيـش
وأصبح يحوم تقول طير ٍ بلا ريـش=بعد أنفصل ضاقـت عليـه بفضاهـا
==
وصل الخبر لبوه وجا له على طـول=وحضّر على القائد معه جمع وأزفول
وقالوا سمعنا إنّ أبننا قيل مفصـول=وجينـا ك والدنيـا كثيـر ٍ بـلاهـا
==
نطلبك تسمـح لـه وتعيـد فصلـه=وترجعـه بالله ذا اليـوم شـف لـه
والله ما غيره حـدٍ يصـرف أهلـه=وأمـه حزينـه لا تخيّـب رجـاهـا
==
أمه ورآنا عقب مـا وصلهـا العلـم=قامت تصيح وصابها الضغط والهـم
وخذت لها يوميـن تبكـي وتزهـم=وجينا وهي مسترسلـة فـي بكاهـا
==
وقال القائد لـه دام تبغـا الوكـادي=فنّـا لنـا شهريـن وفـلان غـادي
غادي ما بين أهل الشقق والمنـادي=والمرجله ضاعت وضيّـع عصاهـا
==
وفصله توزّع مـا تفيـد الرجـاوي=ولا عاد هي بيدي ولو كنـت نـاوي
ورقمه تعيّن فيـه جنـدي قصـاوي=تـوّه جديـد والوظيـفـة خـذاهـا
==
ولا فيـه رقـم ٍ لـو بغينـا نعيـده=من شـان خطوتكـم علينـا بعيـده
لكـن نأمـل لـه حيـاةٍ سعـيـده=في مقبِـل الأيـام واللـي وراهـا
==
عـوّد يقـوم أبـوه ويهـز رأسـه=ويدعي على أصحاب الردى والنجاسه
اللي تروّج كـل سـم وخسـا سـه=لجل الطمـع تبتـاع حتـى أقرباهـا
==
ورجع أبـوه وقـال يـا لله مشينـا=بّروح صوب أمك عسـى الله يعينـا
يمكن تضّمـك مـع خواتـك لجينـا=وعوّد على أمه يرتجي من عطا هـا
==
تعطيـه كنّـه وحـدةٍ مـن خواتـه=وراحت حياتـه كلبوهـا شمـا تـه
ولا عاد له حيله يـا كـود أزفراتـه=يزفر وكبـده تحتـرق مـن لضاهـا
==
والناس تنظر لـه بعيـن المهونـه=وعلى الكرامة صـار مـا يعزمونـه
لو كان فيهـم شاخصـاتٍ أعيونـه=كـل ٍ تجاهـل دعوتـه مـا نساهـا
==
منبـوذ مالـه عنـدهـم قابلـيـه=كـل ٍ تبـرّى منـه حتـى ولـيـه
إلا أنْ يغـيّـر سيـرتـه لولـيـه=السيرة اللي ضيّعـت مـن مشاهـا
==
وأمه شرت له موتـر ٍ عقـب مـده=بالديـن قالـت يمكـن أنّـه يكـده
ويعـوّض الفائـت ودينـه يـسـده=ويعيش نفسـه كـان ربـي هداهـا
==
هذا الذي شفتـه أنـا قـدم عينـي=وأنتم بعـد شفتـوه يالغـا نمينـي
بعض الشباب أنشوفهم ضـا يعينـي=بأسباب لأعداء اللي تـروّج خزاهـا
==
عدواننـا يبغـون تدميـر الإسـلام=وأن صير تحت أفكارهـم دوم خـدام
وعقولنا تصبـح خرافـات وأوهـام=هذا تـراه اليـوم هـو مبتغـى هـا
==
حـربٍ تدمرنـا بلـيّـا سـلاحـي=ترسل علينـا كـل ليـل وصباحـي
من الغرب جتنا من جميع النواحـي=وقضت على بعض العقـول برداهـا
==
والحل واضـح قدمنـا يـا مياميـن=ترك المعاصي والتثبُت علـى الديـن
ومحاربـة لأعـداء بكـل القوانيـن=اللـي علينـا مستمـر ٍ غثـا هـا
==
وتمت وصلى الله على سيّـد الخلـق=محمدٍ وإعـداد مـا يبـرق البـرق
اللي بعثـه الله لنـا وضّـح الحـق=وضّح أدروب الخير للـي بغـى هـا [/poem]
أخوكم الشاعر الحميدي بن سعد أبن بلعوس السبيعي
رد مع اقتباس
