بالحب اصافحكم ضيف جديد واتمنا ان تحوز قصيدتي على رضاكم واعجابكم
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياسلام الله سلام مايساق الا بحينه=لرجال اللي على النوماس وعلومه تدارى
والشعر صافح مداهيل القصايد بالسكينه=غنت بحوره تجارى وأمست لحونه تبارى
وان تحالفنا مع العجمان والا مع جهينه=مادخل في حلفنا حزب اليهودي والنصارى
خابرين وعارفين وكل رجال ويدينه=وحي من يمناه عن فزعات ربعه ماتوارى
في زمنا من ركض وامسى ولاعرق جبينه=والله انه يعتبر ويعد من ضمن العذارى
دام له شارب ولادسم من الشارب يمينه=لايعذرب بالحرار اللي كلت كبد الحبارى
بدونا.. يابدونا..يابدونا ياهل المدينه=النصيحه ماتبدى كود لقلوب الشطارى
اختلفنا بالمناسب والعوايد والضغينه=واجتمعنا بالهقاوي ..والهقاوي ماتبارى
والعلوم اللي تهين النفس وتجر الغبينه=مثل شرهات السكارى لالقو ناس سكارى
سندوها..سندوها..لديار المستبينه=واعقلوها بالفياض اللي من الجزله تطارى
ومدو البيضاء لكف اللي يسوقون السمينه= لاتخلون الردى وابليسه واعوانه تثارى
ولايجيني من يخالفني ترى ديني ودينه=والفقارى قدرهم عند المساكين الفقارى
والرجل لاشاب ماعرق من الجزله جبينه=والله انه يعتبر ويعد من ضمن العذارى
دام له شارب ولادسم من الشارب يمينه=لايعذرب بالحرار اللي كلت كبد الحبارى[/poem]