بعد انقطاع دام في نظري على الاقل طويلا هأنا اعود لاحبائي في غرابيل واقدم لهم هذه القصيده التي لم تنشر من قبل في اي منتدا وهي هديه متواضه للجميع اتركم معها
[poem=font="MS Dialog,5,black,bold,normal" bkcolor="crimson" bkimage="backgrounds/4.gif" border="double,10,black" type=1 line=0 align=center use=ex num="0,black"]
قال من جرب الدنيا والحياة دروس =وجاب المثايل الي اثمن من الياقوت
حبكها وطبقها على الواقع المحسوس=ثم قدمها على طبق من العاج منحوت
مثايلن فيها حكمت الهند والسند والروس =جمعتها واشغلت نفسي عن كل سربوت
فن كان ما جت قد المستوا مثل العروس =فلا خير فيها ولاتسوا رفعت الصوت
ابداها بذكر رازق النمله خالق السوس=الواحد الي ماله مثيل رب الملكوت
غني عن البوذي الكافر غني عن المجوس=يسبح له الطير والشجر وتسبح الحوت
سبحانه الاول الاخر سبحانه القدوس=له الفضل والمنه ذو القوه والجبروت
ثم اسمعو جابتي يوم جت من هجوس=اسمعو يأولي الالباب ياكبار البخوت
لاخير فيها حياتن بلا هدف ولاناموس =ذيك امر واحقر من طعم العنزروت
ولاخير في فعلن عن الناس مدسوس=البر حسن الخلق والاثم ممقوت ممقوت
ومن دور رضا الناس قبل رضا المرؤس=ضيع الثنتين علمن بالمواثيق مثبوت
و حياتن بلا صديقن صادق الود مأنوس=مخلص امين صدره على الوفا مكبوت
ماتسوا وتصير كبر راس دبوس=لو تلبس لك اعقود ماس وتلبس لك الياقوت
والغضب يخلي الطيب والجود منكوس=نهت عنه الاديان وخير منه السكوت
والكبر والزود في نفس الردي مغروس=مكروه في القران وحتى في الكهنوت
والصدق منجات والكذب راعيه محيوس =حباله قصيره واصخف من قشر توت
وانا لي نظره فيها اعرف خبايا النفوس=وادري ان بعض الرجاجيل تسواه بخوت
هيه ياخطوا البنت هيه يالعيطموس=لاتاخذين الردي ترا تاليه فوت فوت
تاتي له ترتن فيهم الطيب ميؤس=رخوم سلوكهم ارهف من خيط العنكبوت
اطمحي لذباحت الحيل ابعاد الرموس=الي متسلسلن طيبهم من عصر جالوت
اما على ظهور الخيل برهف وتروس =ولاعلى الفطر الشيب تجمع القوت
تعرف اصواتهم عند دايس ومديوس =على فعل الطيب ماعرفت على مهايط بلوت
ماهم بتبنن في وسط الخياش مكبوس =كبار الازوال في خفت برشوت
ولابرزن في وسط الصحون متروس =ياكل من بغا منه وتاليه مكتوت
شيوخ بافعالهم ما شيختهم فلوس=ياحي السكين الحديد لو فيها اموت [/poem]
وسلامتكمممممممممم جميع وهي اطول من ذلك ولكن هذا ما يحظرني الان
رد مع اقتباس
المشاركة الأصلية كتبت بواسطة فايز ماجد
