صوت الشاعر/ محمد الهادي، صدى جمال العتيبي

[جمال العتيبي]

بعث لي اخوي الغالي الشاعر/ محمد الهادي بهذه الابيات رمز للوفاء منه
[poem=font="Traditional Arabic,6,black,bold,italic" bkcolor="transparent" bkimage="" border="none,4,gray" type=2 line=1 align=center use=ex num="0,black"]
مساء الخير ابو محمد مساءاً عالي الهمه= مساء اكبر من افكار القصيد وبحر قيفاني
مساء الهال والفنجال ورجل(ن) ساطع(ن) نجمه=تحت علم الرجال اللي عرفت بعالم ازماني
مساء الجود والماجود لجل عينك نزف دمه=كريم(ن) لاسلك درب البخيل ولا رجع عاني
وفياً قد لحق فخره قبيله تملك الحشمه= شجاعاً لامشى تكسر عيونه شوكة الجاني
صدوقاً والصدق واضح بكل معنى وكل كلمه=فهيماً لا اشترك معنى بمعنى وضاع عنواني
ابو محمد كفاني فخر حروفي تجتمع باسمه=تصدق من غلاك الحرف تحسه يحسد الثاني
صحيح اني انا معرف مقام وجاهل برسمه=لكن علم من مثلك وصلني ثم تعداني
فقلت اكتب لجل عينك كلام(ن) يبري الذمه=لعلي اجمع اشتات الحروف بصدر ديواني
واطرزها وازخرفها واحط الكسره والضمه=والبسها ثياب العز واكسيها بمرجاني
لجل عين القصيد اللي نصاك بعالي القمه=اقدم لك تحية قلب نزفها دم شرياني
تحية شاعر(ن) عاتي عيونه تكره الرمه=كتبها لك وفاء ماجاء يدور شي طمعاني[/poem]

وهذا ردي المتواضع اتمنى يقبله اخوي الغالي محمد

[poem=font="Traditional Arabic,6,crimson,bold,italic" bkcolor="transparent" bkimage="" border="none,4,gray" type=2 line=1 align=center use=ex num="0,black"]
مساء النور ابوهادي مساءك ورد ماشمه=احد قبلك ولابيعيش حتى يعرفه ثاني
مساء الشعر ابوهادي وانت ابوه ماهمه=هلا بالشاعر وماجاد نضمه باعذب الحاني
مساء الفل والنرجس وطيب العود في علمه=تسابق لك حروف الشعر تضم اسمك بتحناني
هلا بك اقلط هنيا يا اعلى نقطه بالقمه=بشب النار واحمس لك طبخة بن صنعاني
تقهوى من دلال العز ياشيخ الشعر ياعمه=تطيب بقربك الجلسه يجيك الحرف طرباني
ابوهادي عظيم الشان وعزوة من نزل يمه=كريم(ن) من نصاه اغناه سواء بعيد او داني
شجاع(ن) مايهاب الموت يخاف الموت من اسمه=حوى كل المراجل من ابوه وقاد فرساني
ولاني مادحه باصله لانه أصل للهمه=هو الاصل وجميع الناس عقبه حضها فاني
انشهد من عرفك يقول نعم وماليه فمه=انشهد انك الصادق في وقت الكل كذباني
ارد الك التحيه حبر خطه نازفه دمه=تحية غلا ياشيخ تهز اعماق وجداني
ابو هادي ملكت الارض بعرفك كلمه بالذمه=كفاني عرفك ووصلك فداك ابوي واخواني[/poem]

[محمد الروقي]

صح لسااااااااانك


ولساااااااااااااانه

[مشاعر حالمه]

جمال العتيبي..

صح السااااااااانك ولسان أبو هادي رد طيّب منك يالطيّب لاهنت...

تحيتي لك / مشاعر حالمه ..

[بعيد المراميس]

جمال العتيبي

صح لسانك ولسان الشاعر محمد

صوت وصدى رائع


دمت بخير اخوي


سجل المتابعه

[زبن بن عمير]

صح لسانكما مبدعين



دمتم بخير

[محمد الدهمشي]

الاخ جمال انت ومحمد يعطيكم العافيه على القصائد
ولكن عندي ملاحظه مادري هي صحيحه ام لا
القافيه في الشطرالاول ليست متطابقه
الهمه-دمه------ليست نفس قافية الحشمه واسمه وهكذا
والله اعلم------------والحكم للشعار

[ابن ابوووي]

ابن دخيل


صادق بس لاصار المشرفين والصحفيين يطبلون وردودهم قدمك


لا تتعب نفسك

وانسخ والصق اقرب رد وانت ماشي