السلام عليكم

مضى على زواجي 10 سنين زواج تقليدي ومن بدايه ملكتنا وانا اشوف ريلي ضعيف شخصيه لدرجه أني ماحس أني عايشه مع ريال يستحي من ظله وانا بالغه موس وساكته

دخلت على عيله ريلي ولقيت اخوانه العكسسسسسس تمااااااما .....ذيابه مو اوادم

اخوانه يتدخلون حتى بحياتي الخااااااااصه أقوله عييييييييييب وحرام لمتى بعيش وانا حياتي ملطشه عند اهلك الي يسوى والي مايسوى يتكلم فيها وانت ولا كانك تسمع ولا كانه الموضوع عنك

اخوانه يغلطون بحقي وبحقه واهو ساكت وكلمته بجميييييييييييع الاساليب ومو فايد معاه فقع قلبي

أحس انا الريال مو اهو

الكل مستغله وإذا كلمته راح يشتكي عند امي.........اقول في خاطري رافع ضغطي واسكت ما اشتكي عند احد لا تنهز صورته وفي الاخير يروح اهو ويشتكي

تيي أمي اتهاوشني واهي سامعه المشكله من طرف واحد وفيني غصصصصصصصه لأني ما قدر أقول انه ريلي يغلطون عليه قدامي واهو ساكت الي ايقول عنه حمار والي ايقوله غبي والأردى إذا ابوه كلمني وقالي ريلش من غبائه إذا شفته بعطيه كف على ويها بس عشانج مابسويله شي..........ليته عاطيني أنا كف ولاقالي هالكلام وهز صورته عندي

ادري انه مشكلتي مالها حل بس ابي اقول الي بخاطري