[poem=font="Arial,6,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
اكذب عليك ان قلت فرقاك لي عيد=في ذمتي فرقاك عندي مصيبه
ياسيّد الخفرات ياشيخة الغيد=يا أكبر غلا بين الحبيب وحبيبه
ويا أكبر من الشرهه وصدق المواعيد=وأعز من شوف الغريب لقريبه
أفرح بشوفك فرحة ريال مدريد=اللي جماهيره لفوزه عجيبه
هذاك وش تعني نجاح المساعيد=معها يصير الضيف ياخذ نصيبه
ابوصفك لكن كثر المناقيد=تعتب علي لا قل وصف اللبيبه
انتي شموخ العز ياتلعة الجيد=وانتي شبيه الخيل مهرة اديبه
مشتاق لك شوق الخلاوي على الصيد=وشوق الكرم لا اهل النفوس الرحيبه
عندي غلاك بسيد والناس في سيد=وحتى الشعر فيك القوافي صعيبه
ياضيق صدري يالغلا موسع البيد=كن الليالي دون شوفك حريبه
عايش وراك اسبوع في وضع تعقيد=ومدري اعيش اسبوع او ابتلي به
اول بداية غيبتك ضيق تنكيد=وآخر مواديعك عليّه تعيبه
لكن شوفك بعد ذا كله العيد=وان ماحصل فكلا ً بياخذ نصيبه[/poem]