[align=center]
مصافحتي الأولى لذائقتكم الصعبة
أتمنى أن تحوز على بعض استحسانكم
[align=center]لا تعتذر ..[/align]
لا تعتذر .. مالك عذر .. تعتذر فيه
وفرّ كلامك.. ما يفيد اعتذارك
:
الصاحب اللي ..دوم تقفي و تجفيه
تكويه نار الغبن.. ماهيب نارك
:
والشاعر اللي ..طيّب الذكر يقفيه
مهما تسوي ..ما يرد اعتبارك
:
والود ذاك انساه .. والوقت يعفيه
وانساك ..يوم انساك .. تابع دمارك
:
لا شك نسيانك ..من القلب يشفيه
والليل يحلى لي ..إذا أقفى نهارك
:
القلب نادم ..والجفا منك يكفيه
ما اذل نفسي لك ... حبيبي!! مجارك
:
وإذا لهيب الشوق يظهر.. باطفيه
وأشوف لي كفٍ ..تعوّض قفارك
:
والله نويت أنساك.. والود بانفيه
و انا اتحدى تاخذ اليوم ثارك
:
حاول غلاي بداخلك بس تخفيه
والله ما تقدر ..تعوّض خسارك
:
السعد في فرقاك .. والحزم يلفيه
لا عاد حبٍ دار يوم بمدارك
:
برد الغلا .. ما عاد به كف تدفيه
ولا عاد به وقتٍ ..يحب انتظارك
:
ولا عاد لك شيٍ ترد العذر فيه
لا عاد ابي حبك ..ولا ابغى اعتذارك
يوسف الشهري- السيف الخيالي 7 / 7 /1427[/align]