![][ الفيصل ][ غير متواجد حاليآ بالمنتدى](images/statusicon/user-offline.png)
عرابجه == اللي ماوراااااهم الا الدجه
شوفو القصه والله تبي تضحكون
(عــــــــرس عرااااااابجه)
ابقوول لكم وش صاار في ليلة عرس دحيم
المواصفات
الأسم / دحيم الدلخ
العمر / منولد في سنة الطفره
الشكل / قزم ودب واقرع و وجهه كله خدوود ومافيه عيون
باختصاار يحووم الكبد
الولد دحيم داشر 24 ساعه مشاكل وتفحيط وخراابيط
المهم ابووه قرر انه يزووجه يمكن يعقل الولد !!!!
ويقووم يخطب له ابووه بنت عمه حصه !!!
عااد حصه خبله مثله 0000
المهم يووم جاء العرس ولا دحيم طالع مع اخوياه للنفود يطعسوون
وابووه يدق عليه
الاب: الووو دحيم وينك؟
دحيم : هلا والله طالع مع الشبااب لنفود
الاب: جعل تطلع رووحك بلاا تعاال اليوم عرسك !!!
دحيم : طيب العرس في الليل يمديني اعوود المغرب
الاب: اقوول امش جعلي امشي العصى على ظهرك
دحيم : طيب خلااص جااي
ويقفل التلفوون
المهم ويجي دحيم ويلبسوونه الخبل نااوي يرووح بقميص نوم
المهم ويمسكونه اخواانه ويلبسوونه ويودونه للقصر
>>>>>>> دحيم الا الحين ماا يدري وش الساالفه يبي يخلص بسرعه عشاان يلحق على العياال في الاسترااحه يلعب بلوت
ويدخلوون القصر ويجلسوونه في المنصه وهو يقوول ابي ارووح اجلس عند القهوجيه ابي اتكي معهم واشرب شااهي ( والله منسم مررره)
ويلقطه اخووه ويجلسه على الكرسي
ويجوونه النااس يسلموون
المعازيم : مبرووك منك المال ومنهاا العيال
دحيم : هلا ايه طيب يكوون خير والله ما عندي ولا فلس
( قايل لكم مووب وجه زوااج)
المهم ويدخلوونه على الحريم
يووم دخل
وهو اللي يفتح كشرته ( ابتساامه عريضه)
وينااظر في ذا البني
المهم يووم طقوو الطقااقاات الا وهو يطمر ويرقص ساامري
ويسحبه ابووه ويقوول اركد لا تفشلنااا
المهم ويجلسه على الكووشه
وتجي وحده ترقص عنده وهو اللي يضحك عليهاا ويقوول اوووووه ماا تعرفين ترقصين يالدبه
وانوااع التهزياا المشكله الي ترقص امه مسيكينه تبي تفرح به ماا درت انه
ماا يستااهل
المهم ويقوومن البنات يرقصن عنده وهو ينااظر يقوول عااشو هزي ورى ورى
الا وابووه يكمخه على جبهته
دحيم :طيب خلااص ابنطم
المهم يووم خلصوو وهو يااخذ العرووس ويركبوون السيااره
المهم مادرى الا تقووم حصيصه وتقوول ماابغيناا نطلع اقوول ماا عندك شريط كسراات (اغاني شعبيه)
ملينا من ذاا الطقاقات ازعجووني
الا وهو ينبسط على حرمته خبله مثله
المهم وتقوول له
حصيصه : دحيم ابسالك سؤاال؟
دحيم: اسالي !!!!!
حصيصه : انت الحين تعرف تفحط ؟؟؟
دحيم : اكيد انا احسن وااحد يفحط ( مسوي فناان عندهاا وهو ما عندك احد)
حصيصه : والله ورني ابي اشوفك تفحط
دحيم ( توهق)
دحيم : خليهاا بعدين مووب اليووم ( يبي يصرف)
حصيصه : افااا شكلك ماا تعرف هههههههههههاي
دحيم : اوريك من الي ماا يعرف
وهو الي يلف هذيك الفه في شارع الأربعين وطراااااخ في المااصوره
والحين حصيصه ودحيم في في مستشفى الحرس غرفه رقم 285
قسم الكسوور
الزيااره من 9 الى 12 ظهرا و 5 الى 9 مساء
منقوول
رد مع اقتباس
