تعالو خلونا نضحك جميع ...{ بعض الموااااقف اللي يرفعن اااااااالضغط} شارك ..

[طيف]

[align=center]--------------------------------------------------------------------------------

أرجو من عنده زياااااااااااااااااادة عليها المشاركة لنرى ما اسباب أرتفاااااااع الضغط

الأشياء اللي ترفع الضغط كثيرة ... ومنها مايلي :



· أنك تشرب ببسي حار

· أنك تصلي وأنت لابس شراب مشقوق

· أنك تعطي أخوك سيارتك ... ويرجعها والتانكي فاااضي

· أنك تدخل المسنجر .. وما تلقى ألا اللي ماتبيهم

· أنك تـتـفاهم مع رجل امن سعودي

· أنك تناظر مباراة على الأي آر تي وأنواع الحماااس وفجأة ينقطع الاشتراك

· أنك تلعب كوره وأنت حافي .. وتشوت غطا البياره

· أنك تذاكر تذاكر تذاكر تذاكر <-- أخلص .. وبعدين تكتشف أن اللي ذاكرته مهوب داخل معك في الاختبار

· أنك تعطي جوالك لواحد ويرجعه لك والرسايل محذوفه

· أنك تقوم من صباح الله وتروح للجامعة تمشي مليون .. وتلقى الدكتور معتذر

· أنك تقوم الصبح وتلقى معجون الأسنان مخلص

· أنك تنزل للبقاله وما تلقى عنده عسكريم جلكسي

· أنك تـَـشرق بالماء

· أنك تلعب كيرم وتدخل الخمسين 3 مرات ولاتقدر تدخل الطباقه .. أو أنك تدخل الطباقه والمصقال معه

· أنك معك حزام أسود بالكاراتيه ويدعسك أفغاني

· أنك تغرز بالبر وأنت معك جيب .. ويمر من جنبك ددسن يمشي بشويش ويناظرونك ويضحكون

· أنك تتروش .. وأذا خلصت ماتلقى المنشفه <-- أعرف أقول فوطه .. ولا روب .. بس هي منشفه

· أنك تمسك خط مع أبوك وبسيارة وحده ولحالكم ( ههههه ترى أحيانا مو دايما هههههههه )

· أنك تدخل البيت جوعااااان .. وتشوف القدور قدامك وتغرف وأذا جيت تاكل تلقى الرز بارد

· أنك تكتب موضوع طويييييييل وخصوصا للساحات ... وأذا جيت ترسله يطس .. مدري وين يروح

· أنك تكلم ويدق عليك واحد ويلقاك أنتظار ويقطع

· أنك تروح الحلاق وينتف شنبك ( وجه متغبي أسبوع )

· أنك تسمع أسم عايلتك من واحد حجازي ( يا حبي لربعي في الحجاز والله )

· أنك تغص ولاتلقى أحد يطق ظهرك

· أنك تتفرج على اجتماع دول مجلس التعاون الخليجي

· أنك تصير أمام لجماعه ... وبالركعة الثانية تذكر أنك منتب على وضوء

· أنك تلبس نظاره وسخه

· أنك تشوف فـلم .. وواحد جنبك يقولك القصة

· أنك تمسك خط وفيه ذباب بسيارتك وأنك تفتح الدريشه ولا يطلع

· أنك تدخل حمام ماله قفل

· أنك تاكل حنيني بارد

· أنك تدور شغالتكم باندونيسيا <-- الله يخليهم كلهم يشبهون بعض ( يخلق من الشبه مليار )

· أنكم تلعبون كوره بالبر وتطيح عارضتكم ( باب القوووول )

· أنك تسوي فيها متابع مع الدكتور وتتوهق ويسألك سؤال وماتقدر تجاوب



في النهاية أتمنى انني ما رفعت ضغطكم زي المواقف اللي فوق

منقول : [/align]

[الدندووووونه]

تــــــــــــصدقين //نسمه

من هالمواااااااقف ضحكت ضحك غير طبيعي,,,,<<<وياكثر مامر عليها مواقف كذا..

*** ومانمتي الاّ متأخر و ماتبين تروحين للدوام وتوووووووك نايمه ويجي أحد يصحيك,,,بتداومين<<<ويطيييييي يييير النووووووم,,

*** ولاّ نايمه وأحد يزعجك,,,

***ولاّ نويتوا تسافرون وتولمتوا وبعدين يكنسلوووووون السفره,,,

**** واذا معزومه في مكان وصرتي جاهزه ويجوووووووووونك ضيووووووووف<<أكره هالشي,,خاصه اذا متعلقه بالروحه,

ياكثر الأشياء اللي ترفع الضغط,,,

ودمــــــــــــتي,,

[glint] الدندووووووونه[/glint]

[المرهــف]

والله المواقف اللي ترفع الضغط كثير لكن على طاري الضيوف تذكرت موقف



واللي هووو انك تواعد الشباب ويوم تجي طالع والا ذاك الضيوف اللي مرتز بالمجلس

ويناديك ابوك ويقول تعال صب القهوووة ... ويوم تودي القهوة امك تعطيك الشاهي

وبعد كل هذا ابوووك يقول لك روح جيب عشااا وتروح عليك الطلعـــة <<<< ااااخ يالقهر


وشكــــرا

[فوووووشي]

ايوه صحيح أختي نسمووه

من جد كتبتي كل اللي يغيظني وخاصة اذا ظربت
مشوار للجامعه والنهاية الدكتور معتذر

واللي يحرق دمي أكثر اذا

كنت اسبح وحطيت لي شامبو .. واشغل المويا وينقطع فجأة ...
لا بعد إذا كان في الشتاء.........


والله يعطيك العافية على هذا الموضوع اللي يرفع الضغط ......


أختك فش فاشه

[العجراء]

المواقف التي ترفع الضغط واجد منها انه تبي تثاوب ويدخل في فمك اذباب ولا تروح الى عزيمه وينتثر عليك فنجال قهوه ولا تروح عند احد وتلقى عندهم بزر مدلع ويجر اشماغك ولا ينصك على اصبعك باب السياره

[هـمـْـْ الغلا ـْـْـس]

ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه هههه




الله يصلحكم بس وش هالمواقف




مشكورهـ خيتو على هالموضوع

[ღ نـدى القـمر ღ]

· أنك تذاكر تذاكر تذاكر تذاكر <-- أخلص .. وبعدين تكتشف أن اللي ذاكرته مهوب داخل معك في الاختبار

أف هذى حييييييييل أكرها

مرة ذاكرت 6 درووووس صعبة حيل بمادة الفيزياء وما كانوا معانا بالإختبار والله قهر ولا بعد فيها رسومــات ومسائل

· أنك تشوف فـلم .. وواحد جنبك يقولك القصة
يووووه ياكثر ما تصير وهالحركة تقهر خصوصا إذا كان الفلم فية أكشن



مشكوووورة أختي موضوع حلووو

[سيبوية]

أنك تدخل غرابيل وما تلقى أحد رد على موضوعك

[طيف]

مشكورين على المشاركه

[الأنامل الذهبية]

اووووووووووووف المواقف ياكثرها

واخرها الحين صاير .. تخش عالماسنجر وتلقى كل القائمه محذوفه وتجي تضيفهم مرة ثانيه تلقاهم من جديد محذوفين

<<< وش يعني ذا الشئ

[زيـــــاد]

اووووووووووووف المواقف ياكثرها

واخرها الحين صاير .. تخش عالماسنجر وتلقى كل القائمه محذوفه وتجي تضيفهم مرة ثانيه تلقاهم من جديد محذوفين

<<< وش يعني ذا الشئ

اكبد مسنجرك 8

[مزيوونه]

[align=center]والله من جد مواقف ترفع الضغط

زي كنت بشوار ورجعت ويقولولك جيت

والا ان كنت نايم ويجي احد يبي يكلمك ويقولك نايم

~*¤ô§ô¤*~ودك تنحره وقتها~*¤ô§ô¤*~

والا تسوي مشروع وخلصت منه تبي تسلمه وتجي الاستاذه وتقولك مهو ذا المطلوب بكل برووود


ومشكوره علي الموضوع[/align]

[الأنامل الذهبية]

اكبد مسنجرك 8

8

8

اصدار الثامن وماادراك مالاصدار الثامن

ايه اخوي زياد يعني تصل معكم عادي مو انه احد يلعب فيه

[الأنامل الذهبية]

اكيد مسنجرك 8

8

8

الاصدار الثامن وماادراك مالاصدار الثامن

ايه اخوي زياد يعني تصير معكم عادي مو انه احد قاعد يلعب فيه

[الطائر المسافر]

ههههههههههههههههههههههههه ههه
مواقف من جد ترفع الضغط