[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
غيرك يموت وما عطيته قصيده=وأنتي بنظرة بس حزتي قصايد
الشعر يرخص لأجل نظرات سيده=يعيش في قلبي ولا هوب بايد
ولوّه نقص لارجع عشانك وأزيده=أنتي وجودك يجعل الشعر زايد
لاجلك تجي كل المعاني فريده =من غيرك زينك يستحق الفرايد
زينك فرض نفسه وعبّى رصيده=في عين من حبك وعين المحايد
حتى ولو كانت ديارك بعيده=الحب قرّب في القلوب البعايد
ما دامك أنتي يا حياتي سعيده=والله ما يصعب عليّ كل كايد
لأشيل لك لحن المحبة وأعيده=وأجددّ عهودي وأبارك وأعايد
واللي نوانا بالغدر والمكيده=مسكين ,, ما تمشي علينا المكايد
قلوبنا قدّام هذا عنيده=بقول له أن كان تبغى تزايد
نفوسنا يا هيه دايم زهيده=فزنا براس المال وأنت الفوايد
وإن كان تزعل يوم شفت القصيده=الله يستر لا قريت القصايد[/poem]