السلام عليكم ورحمة الله وبركاته
اخواني الأعضاء
هذه أخر قصيدتة كتبتها يسعدني ويشرفني أن اطرحها هنا
على أمل أن تحوز على رضاكم وإعجابكم
[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]البارحة ليلي من الهم طايل = من ضيق صدري كنه شهور وسنين
والدمع من عيني على الخد سايل = ماطاب لي نومٍ ولا غمضت عين
كله عشان اللي عمل بي عمايل = أنشهد إنه شب في القلب نارين
سافر عن عيوني وشد الرحايل = راح وتركني بس مدري على وين
وراني نجوم المسا فالقوايل = بالبعد والهجران والصد والبين
حاولت أوصل له بشتى الوسايل = ماشفت له ديرة ولا ايّة عناوين
وكل ما أتصلت وشاف رقم الموبايل = طنّش وإلامن رد يسأل هلا مين ؟
الله وأكبر يازمان الهوايل= بعد الوفا والوصل صرنا غريبين
لاجيت بأنسى ذكرتني الرسايل = وبعد الهدايا والصور والدواوين
المشكلة إنه علي حيل شايل = وكله تحت راس الوشاة الملاعين
وشلون صدقهم بليا دلايل= وشلون يسمع بي هروج العذولين
ليته سالني قال ويش أنت قايل ؟ = ولا عتب مني عتاب المحبين
عشان اقول ويصبح الشك زايل= وأعلمه إنا على العهد وافين
ياصاحبي مهما تحول الحوايل = ابقى معك دايم على الشين والزين
ماني من اللي لاغدى الوقت صايل = يبعد ويقرب لاغدى الوقت به لين
مهما أسوي أو اقدم جمايل = ما أنتظر من شخص ابد ردّة الدين
وحظي كذا دايم على طول مايل = من صغر سني ماهو بس توه الحين
في ذمتك بسالك هذا فعايل ؟ = هذا وحنا في المحبة حبيبين
في حبكم شيبت ماطلت طايل = يالعنبو ذالحب وراني الشين
كلن تزوج صار عنده عوايل = وأنا بأمل رجعتك عايش من سنين[/POEM]
وسلامتكم
اخوكم
حزين الحرف
عبد الرحمن سعد الدوسري
رد مع اقتباس
-new.gif)
