مرحبااا ، انا بقول لكم سالفتي وأبي نصيحتكم ،

طبعاً انا متأخرة في الحمل عشر سنوات ، حملت مره قبل خمس شهور اطفال انابيب وصار حمل

لمدة ثلاث شهور وفي الرابع طرحت للاسف ، الحمد لله على كل حال ....

ومن أجهضت للحين ما صار حمل ، سافرت للعمرة الشهر اللي طاف ، أخذت حبوب. (بريم لوت) لتاخير الدورة ،

استخدمت الحبوب مثل ما قالت طبيبة المركز الصحي قبل اربعة ايام من الدورة ، بس الدورة توقفت عني اربعة ايام عقبها نزلت وانا أخذ الحبوب حاولت وحاولت ومازالت تنزل وبكمية غزيرة ،،ووقفت اكل الحبوب. لين انتهت الحمد الله
بس هالشهر ما جتني بالموعد ، تأخرت عشرة ايام قلت يمكن حامل ، رحت فحصت بالدم طلع ما في حمل وللحين ما نزلت صار لها 13 يوم ،، شنو السبب ؟؟ مع ان دورتي ما تقطعني ولا شهر ،، شسوي شنو الحل ؟؟؟