ردك الله لا ولا أطلب تردين == ادعي عليك بعثرةٍ في صلاتي
عثرة تشلك ما بعدها تقومين == يا للي نقضتي عهودنا الماضياتِي
كانت تروح الروح ساعة تروحين == وتعاف نفسي شربها والمقاتي
كنتي مناة القلب والروح والعين == واليوم عينك يعلها ماتباتي
كنت أحسبك للعهد و الحب توفين == قلتي الغدر بالحب ما هو سواتي
و بان الغدر سمٍ جرى بالشرايين == الله عسى يسقيك سم الفعاتي
كلي سقيتك حب و اليوم تنسين == تقولين حلم أيام و اليوم فاتي
و خذتي الهوا لعبه على ما تحبين == إلين عصفت بالهوا عاصفاتي
و صرتي بشعري فالعذارى تباهين == تقولين أنا شمس العصر في حلاتي
وبالشعر صورتك خزام ورياحين == واثرج هضاب وشوك مابه هداتي
و بالشعر غليتك على كل غالين == و أثرك دنيَّه تتبعين الدناتي
رسمتك سحابة خير قطر تلفين == فزت لك الصحرا زهور ونباتي
رسمتك مهاتٍ للجميلة تقودين == و أثرك خروفٍ ضيعتها الرعاتي
توسلت لك على حب عامين == عامين لكن في حسابي مئاتي
ناديت لكن لي أبد ما تسمعين == عمري و روحي و الفكر في شتاتي
خنتي و بعتي كل عهد وأيامين == ما عاد يفرق بين ماضي و آتي
و صرتي مثل غيرك برخصٍ تبيعين == يا مرخصتنني مابقى لك غلاتي
تحسبين انك بالمهافات ترقين == كيف الصعود يكون للهاوياتي
والنوق من تخرس فلا يفيد تمرين == مايفيدها قلص وضرب العصاتي
ومع ناقة خرسا تكلفت سنتين == فلا لانت بشده ولا بالهداتي
اسبوع فدوامِي و لا ايي غير يومين == و يوم أوصل الدار أتصل و أحاتي
صبري نفذ و اليوم ثارت براكين == مظلوم أنا و باكر تحل دعواتي
سمعي عسى من بعدها ما تسمعين == سمعي دعاء من صار قلبه حصاتي
عساك عوقٍ منه ما عاد تبرين == عوقٍ تشافق له قلوب العداتي
أدعي عسى من ناظرك ما تشوفين == و تطحن بك الأيام طحن الرحاتي
يالله عسى يحتار فيك المداوين == تبين الممات و لا يجيك المماتي
يالله عسى كف الندامة تعضين == تندمين يوم انه يفوت الفواتي
وتبكين دم يسيل من مقلة العين == ويحتار قلبك من عناك وتعاتي
و عسى ما تلاقين منه القلب تهدين == و إن هو حصل أدعي عساك الشتاتي
يا بلوة اللي وسط بيته تعيشين == غافي و حوله شب جمر الغضاتي
عسى بعمرك ساعة ما تهنين == و تمضي حياتك بين هم و شقاتي
يا بنت قلبي وين مثله تلاقين == قلبٍ عطاك الحب ما قال هاتي
ييتك وروحي شلتها لك بكفين == وفي التاليه رمح الخيانه جزاتي
يالله عساج النار يا أم ويهين == كلنا انكشفنا ما تفيد العباتي
يالله عسى تلبسك جن و شياطين == و تكونين مدعاة الحكي و الشماتي
والله ماني منتظر قلبك يلين == و المقبلات أكثر من الفايتاتي
وماعادتي اتبع طعون المقفين == ريحٍ تشل طعونك المقفياتي
يا ليلةٍ ظلمة على الله تزولين == و تأتى ليالي سعدنا مشرقاتي
ياحيةٍ رقطه تقود الثعابين == باكر تحل ايامك المعتماتي
يا ظالمة نفسك ترا الدهر يومين == يوم النجاة و يوم ما به نجاتي
بيني و بينك تحكم أيام و سنين == و انا شاهدي قلبٍ من الغدر ماتي
لو كان عذرك في كفوف الموازين == لكان رِبَح كل غدر البناتي
يا دمعة التمساح لالا تذرفين==العيون رغم دموعها كاذباتي
لا ما عرفتي الحب لا ما تحسين == وغدرك تعدى غدرذيب الفلاتي
الذيب يعوي قبل يغدر بمسكين == و انتي غدرتي خافقي في سباتي
وانتِ السبب سقتِ على القلب جرحين == غدر الغرام و وجع الذكرياتي
وانتي السبب واليوم لا لا تلومين == و ان جاك باكر شوفي شلون ياتي
والله لكتب و أفضحك في دواوين == و أرزف وأغني يوم خبر الوفاتي
و أرسم لأهل العشق قلب و سهمين == و قصة خيانة ما روتها الرواتي
و يمين لنشر فوق إسمكـ عناوين == و أشهرك من قاصي اليمن للفراتي
و من غرب هالدنيا إلى قاصي الصين == ديوان غدر فيه كل اللغاتي
و البادي أظلم سنة العين بالعين == و لاَّ فهذي لا عادتي ولا صفاتي
و يا شبه انسانه براسِ و رجلين == أعوذ بالرحمن منك في صلاتي :زعلان:
منقـــوولـــ ..