السلام عليكم ورحمه الله وبركاته
حنا عتيبة مصدر الطيـب منـا:واو:
تعرف جميع القوم منهم عتيبة
فينا صفات(ن)من طلبهـا تعنـا
حتى لذيـذ النـوم مايهتنيبـه
اهل الفعول ان كان قلنـا فعلنـا
حنا سوات الموت سلطة وهيبة
نبطش بحد المرهفـات المسنـا
ونغير فوق المكرمات الاديبـة
لادق زير الحرب صـفٍ كملنـا
عدونـا نسقيـه مـر الغليبـه
حنا عتيبة وانشـد القـوم عنـا
صغيرنايذكـر بفعلـه وطيبـه
ذباحة الحايـل سعـوط المجنـا
اهل السيوف المرهفات العطيبة
كم شيخ قومـا بالملاقـا زبنـا
نحميه لو كبرت عليه المصيبة
مـا يـوم لابقنـا ولايـوم خنـا
وخوينا يلقا الصدور الرحيبـة
والضيف لن ميـل فلاحـاد عنـا
يعرف دروب العز من غير ريبة
مال الفخر لو ينتخي غيـر حنـا
تاج الفخر حنا ولاهي غريبـة
دون الخوي نشيـل هـم المعنـا
ولجل الكرم نفعل فعول عجيبـه
الطيب عادتنا مـن اجلـه بذلنـا
نجيب شي ٍ غيرنا مـا يجيبـه
ياقشر حظ اللي طمع فـي ظعنـا
وياطيب حظ اللي يصيح ونجيبه
عقـال لكـن لازعلنـا جهلـنـا
عدونا يوم الطراد انعثـي بـه
نخلي ظهور الخيل كـان أقبلنـا
والمعتدي ماغير روحه ضريبه
ميدانهـا نجـد العذيـه وطـنـا
نجدٍ لنا ماخلـف نجـدٍ طليبـه
وارض الحجاز بغير شكٍ وظنـا
فيها زعيم ٍبالوغـى ننتخيبـه
نجـد ٍخذيناهـا بسيـف امحنّـا
واللي غلبناهم رضوا بالغليبـه
حنا عتيبه في الغفى مـا طعنـا
حنا هل الطولات قوم الصعيبـه
على حياض الموت سقنا جملنـا
وعشنا بنجدٍ مادفعنا الضريبـه
لو إنّها ماهـي مذاخيـر أهلنـا
لكن نزلنا وسطهـا بالغصيبـة
اي والله انـا بالغصيبـه نزلنـا
وسجل لنا التاريخ قصّه رهيبه
خذنا سنـام المجـد منـا ومنـا
مرعاه نمشي به ونغرف قليبه
على جبـال العـز حنـا سكنـا
تاريخنا يا ناس محدن يجيبـه
وسلامتكم
يلا سلامممممممممم /// ردودكم
رد مع اقتباس
المشاركة الأصلية كتبت بواسطة ذيبة عتيبة
