قعدت ذاك اليوم .. أفتح أجندة قديمة ..
فيها سطور كتبتها بس ماهي سطوري
إحساس شفته ..
ماهو إحساسي
كنت طفلة عجولة .. كنت آخذ كل الأمور بجراءة
وألقى الخجل يطغى على المواقف ..
صحيح غرابة
كنت غير
كنت محدودة النظرة
بس كنت إجتماعية بمهارة
أحب أبوي
وأنظر للأمومة في إيدين جدتي
ودفء أحضانها
أجندة بريئة
بكل الحزن .. جميلة
قريتها وابتسمت ..
حسيت إني كبرت
حسيت إني عميقة
أتوقع السبب كتاب قريته
أو صفحة بمتصفح لفتت نظري
وبقلبي استشفيته
ألبوم ذكرياتي شفته أمامي
وبشهقة تلقيته
لحظات جميلة بكل جهل إهناك خليتها
مشاعر فرح إرتسمت أمامي
حرام تناسيتها
أقول الزمان ..
والله حرام .. شكو
صار شماعة نحذف عليها كل بلاوينا
مرت الأيام
بس التغييرفينا
إحنا البشر
موفي ليالينا
هذا القمر ..
ماتغير
إشلون نتحسر على جمال زمن طافنا ..
ومانشوف كل الجمال الي حوالينا
خلاص
آنا إكتشفت سر الزمن
وسر الذكريات الي على بالنا تمر
كل دقيقة تمر تطلب الرحمة
خن عيشها !!!
وننسى ماضي ذكرى راحت أمانيها
خلونا نعيش هالزمن ..
ونشوف
ونصنع ذكرى لمستقبلنا
مثل مانحب
وبالتالي نكون صنعنا ..
نجاح ليالينا
اختكم
لاجي عاطفي