[poem=font="Simplified Arabic,6,black,bold,normal" bkcolor="transparent" bkimage="" border="groove,medium,gray" type=2 line=0 align=center use=ex num="0,black"]
( الموهبه ما يملكه كل مخلوق )
هيض شجوني سيد الهمس والشوق=حرفه تركني هايم(ن) وسط الاشواق
سطر يراعه قمة النزف والذوق=ينوض في خد الورق نوض براق
توج جمال الحرف حس(ن) شمخ فوق=ما شفت مثله عنده احساس دفاق
قصيدها يهتز له كل معلوق=مثل الجمال لبسرة القلب سراق
تفز له روح(ن) وتنبض له عروق=ورد(ن) بعيد الحب مهدى من اعماق
من دون ماتدري يخليك مسروق=سهل عسير يترجمه فكر ذواق
يترك قليل الهم با الوجد محروق=ويشيل هم الليل عن كل مشتاق
يبعث رسايل شوق عا شق لمعشوق=كنه رسول العشق لقلوب عشاق
بوح الجريح اللي شكى جرح مفتوق=نبض الغريب اللي شكى لوعة فراق
لا جا القصيد بطرح ما هو بمسبوق=يجعلك دون شعور للحرف تنساق
الموهبه ما يملكه كل مخلوق=تاتي من اللى صور الكون خلاق
من يا هبه ربي جمالن ومنطوق=يصبح كما اللولو على الدوم براق[/poem]
رد مع اقتباس
