بسم الله الرحمن الرحيم


دايما كنت اقرا ان مستحييييل تحسيين بأعراض تلقيح البويضة(الحمل) بعد الجماع بيوم او يومين
:bbbiu:

بقولكم تجربتي بالحمل الاول في بنتي :

لاني اول مرة احمل ماحسيت وايد او ما لاحظت التغييراات
بس الي اذكره ان قبل الدورة باسبوع الام الدورة مستمرة نوعا ما ومب متقطعه

ولما تاخرت الدورة ب 4 ايام جيكت وطلعت حامل



الحمل الثاني:

قبلها باسبوع كان مزاجي متعكررررررر وفيني ضيجه :eh_s(4):
وماكنت حاطة فبالي نهائيا اني حامل
[/COLOR]

الحمل الثالث :

لاني كنت ناوية احمل فلاحظت كل شي هههه
وهالاعراض بعد الجماع بيوم الي موعد الدورة

1. بعد الجماع بيوم او يومين حرارتي ارتفعت اليين موعد الدورة ما خفت
2. نزلت مني افرازات شفافه من ثاني يوم لمدة 5 ايام تقريبا او اكثر ماذكر
3. نغزات فصدري قوية وواضحه وصار لين مب قاسي بالعكس
4.واااااايد اسير الحمام كانه في ضغط عالمثانة
5.كنت وانا واقفة اضغط عالخفيف اسفل البطن (الرحم) وكنت احس المنطقه قاسية
6.واهم علامة ان الام الدورة(اسفل الظهر والبطن ) مستمرة تقريبا .. وبدات عندي بسرعه

من ثالث يوم بعد الجماع حسيت بالم اسفل الظهر وكان وااضح وما اتووهم :D



واذا ذكرت علامات ثانية بخبركم :eh_s(7):

وخبرونا باعراض بعد التلقيح مباشرة

تراها موجودة وما اصدق الي يقولون ما نعرف الا بعد الدورة

وهم صح مو كل حمل متشابه .. ومو كل وحدة تحس بنفس الاعراض

في من الحريم ما يحسون بأي شي فعلا ويطلعون حوامل

والله يرزق كل محرومة :yaaaaaarb: