[poem=font="Simplified Arabic,5,white,bold,normal" bkcolor="black" bkimage="" border="inset,5,crimson" type=1 line=1 align=center use=ex num="0,black"]
المؤشر كـل يـومٍ فـي نـزول=ومع نزوله ارتفع ضغطـي وزاد
ضاع راس المال كله والأصـول=والخسارة مع ديونـي بازديـاد
العيـون اللـي تراقبـه بذهـول=سوء وضع السوق حارمها الرقاد
استجن وجنن اصحـاب العقـول=واعجز التحليل واهل الاقتصـاد
شتت التفكير واستعصى الحلـول=حارب الأخضر وعاف الارتـداد
وضع لا نحسد عليه من العـذول=افرجه يامقلب قلـوب العبـااااد
من تعلق لا خـروج ولا دخـول=جا يصيد وطاح في فخ اصطيااد
بالمقدّر مالنا قـوة وحـووووول=لاعتراض لحكمة الله يوم ارااااد
يامنادي هيئة السـوق بحلـول=لا تناادي لا حيـاة لمـن تنـاااد
تنتظر جماز ؟؟ اثريـك مهبـول=وان بغيت الصدق والعلم الوكـاد
ينتمي للمرجفين اهـل الطبـول=والدليل انـه ولا مـره افـاااااد
لا يهش ولا ينـش ولا يصـول=ولا يبـرر موقفـه بالأنتقـااااد
الادارة مايسنعهـا الكـسـوول=والمدير الجاهل يسبب كسـااااد
وانت ياجماز رح بيـع صخـول=واعطني اسهمك في بنك البلاااد
البنوك لظلمها نرضـخ قبـوول=اعتلت في رأس قائمة الفسـااااد
ابشروا واستبشروا هم ويـزول=البياض ليا ظهر يمحى السـواااد
دام شال الحمل شيـال الحمـول=اطمأنينـا وكبـرنـا الـوسـاد
اشهد ان الليث يفعـل مايقـول=ذاك ابو متعب عليه الاعتمـاااد
اطلبوا يالله عسى عمره يطـول=ياعسى في كل خطوه له سـداد [/poem]
تمنياتي بالتوفيق للجميع
رد مع اقتباس
المشاركة الأصلية كتبت بواسطة محمد الروقي
