في ناس وايد تتغرب وبعدها يفقدون كميه المخزون :eh_s(8): اللي جابوها من الكويت ويدرون براا ومايحصلون بس شنو الحل تعالوا معاي وفالكم طيب
شوفوا انا النهارده جيبالكوا طريقه عمل
سنفره للجسم ( حليب ملح اليوكوا )
الذى لا تستغنى عنه اى فتوكه

نبدا الاول دى صورته



سعره 9 جنيه و فى ناس بتبيعه 10
و مش كبير زى ما شايفين
طب ليه فين مخنا هنااا طبعا مكنتش لازم اسكت ع كده
لا لازم امخمخ مخى

لعلمكوا انا مجبتش الملح ده غير مره واحده بس
و خلصت نصف الكيس و حصيت النصف الباقى فى البرطمان
و بيتك با جحا
مستعملتهوش كتير انا بحسه مش واو اوى للدرجه
هو احلى ما فى بيدى نعومه جامده جامده جامده يا فوزى
و من ناحيه بيفتح الجسم مش اوى مش زى ما ممتخيلين حتى
كتير فتوكات قالوا هنا مجبش معاهم نتيجه

هو حلو ك سنفره و بس طيب طلاما ك سنفره وبس ليه منعملش فى البيت
السنفره دى و نخلى بقى يفتح غصب عنه الجسم



طبعا انا مسكتش و قلت مش هو سنفره يا معلم
خلاص مش عندى نصف كيس ميه ميه
اقلبى عليه ملح يا واختشى و اعملى احلى سنفره لجسمك
و بكده هنكتره تانى و هيجيب بردو نتيجه

( بس مش اى نوع ملح استنوا )

شوفوا بقى صوره البرطمان





و اهو من جوه ملكوش دعوه باللون مش اصفر هو طبعا علشان تزود ملح كتير
اهو تبزير بقى بقى

دى طريقه نصب شويتين

استنوا يا فتوكاتى محدش يضرب
التقيل جاى و هنعمل كل حاجه فى البيت بس اتقلوا انتوا


انا اول ما جبت السنفره دى وشمتها الريحه حستها مش غريبه
قمت مخمخت مخى و قلت اقفش

دى ريحه ريحه ريحه
حليب لبن نيدو





حتى اصفر يا واختشى نفس لون حليب لبن اليوكو

شوفوا فى احجام صغيره اكياس صغيره اوى سعرها رخيص
بلاش حجم كبير و ان جبتوا حجم كبير براحتكوا
اهو بيدخل فى وصفات كتير
و اهو بالمره نعمل كميه كبيره اوى من السنفره و هتعد معاناااا


نيجى بقى يا حلوين الملح مش اى ملح
مش الملح الناعم بتاع الاكل لا لا لا مش بيدى اى نتيجه
لو حطيته منه بتقولوا اللى جاهز احلى
لكن انا قفشتهم شوفوا بتجيبوا
ده



مشاء الله حجمه كبير كيلوو نصف
و سعره بجنيه و نصف بس

مش لازم بتجيبوا نفس النوع
اهم حاجه يكون مكتوب عليه ملح ناعم باليود ركزوا
و بركه لو لقيتوا النوع ده
طيب او ممكن تجيبوا اى ملح خشن اى نوع سايب من عند العطار اى حاجه
بس النوع ده حسيته خشن و ناعم فى نفس الوقت نفس ملمس و الله
السنفره اللى بره بالملى باملى بالملى

انا كنت عملت البرطمان ده لنفسى
قلت طب فتوكاتى فين
الملح كتير بس كنت خلصت لبن نيدو مبقتش كتير
لانى كنت مزوده منه ع البرطمان اللى فوق

المهم ده شكل الملح ب الطبق



و دول اللى ابقوا لبن نيدو



خلطت الاتنين
بقى ده الشكل النهائى بس دى تجربه ليكوا انتوا بس و اللبن كان قليل
علشان كده مش هتلاقوه اصفر اوى زى اللى بره



و الله يا بنات جربت الخلطه دى ع رقبتى هى هى ما فى فرق
نعومه سنفره حلاوه ميه ميه

ده اللى هتعمملوا قولولى بقى هيكلف ايه
بلا 10 جنيه وفروا ده حتى انتوا هتعملوا كميه كبيره اوى

شوفوا مقلتش انا المقادير حطوا ملح كتير اوى
الكيلوا و نصف ممكن و حطوا لبن كسين صغيرين كيس
انتوا و براحتكوا

فى بقى مفجاه علشان مع السنفره يكون فى بياض و حلاوه
احلى من ملح اليوكوا و ده يمكن الى هيميز اللى عملنا عن اللى اشترنا

هنجيب ايه يا فوزى هههههههههههههه
هنجيب
كركم



و هنحط منه ع البرطمان اللى عملنا زى ما تحبوا بقى
حطوا كتير متخفوش و الله ما هيخلى الجسم اصفر هيبيض
هاتوا من العطار ب اتنين جنيه ب تلاته جنيه
اللى يريحكوا
انا دلوقتى مش عندى و اله بس بكره هخلى بابا يجيه و هحطه
عليه علشان يدينى بياض مع السنفره

ع مسؤليتى اللى تضر تقولى

اسئلتكوا بقى السنفره دى لاى جزء من الجسم اى جزء
رقبتك رجلك ايدك جسمك كله بين فخدك
بس متحكيش اوى برفق داير داير

الطريقه
ممكن و انتوا بتاخدوا شاور
اول حاجه خلى المنطقه اللى هتعملى عليها سنفره
تكون لطتها ميه دافيه تمام
و نقوم نجيب ليمون



و ندعك بيه المنطقه اللى عايزنها و ليكن البطن
نستنى كام دقيقه كده و نقوم نجيب شويه سنفره من اللى عملناها
و ادعى يا معلم على شكل دايره سنفرى و اديلوا بقى

بعد كده اشطفى بالميه و خلاص

اذا عملتيها بمنطقه حساسه زى تحت الابطين بين الفخدين
نحط كريم بعد السنفره لان ممكن من كتر الحك الاحمرار بيقلب سواد
اذا تعرضتوا للشمس و سبتوها كده كمان مش هنحك اوى يعنى

هندهن بقى كريم بانثينول الغنى عن التعريف
و ب اتنين جنيه بس او اتنين جنيه و نصف



هتدهنى منه اذا عملتى ع منطقه حساسه
و هو اصلا عثل اوى اوى بموت فى
لا يخلى من بيت اى فتوكه كلكوا بتشكروا فى

انا كده خلصت يا بنات
التقيم اذا عجبكوا الموضوع
او حتى رد عبرونى او ارفعولى المووضع بدعوه حلوه
علشان الكل يستفيد
بحبكوا اوووووووووووووى


ملحوظه
يا بنات فى فرق كبير بين الكارى و بين الكركم
الاتين ميتعيش تفرقى بينهم
ف علشان اللى عنده فى البيت لحسن يجيب كارى
لا هو كركرم روحوا ل محلات التوابل او عطار
قولوا عاييزن كركم
انا كده نبهت

و الملح فى فرق كبير بين ملح الاكل و الملح اللى بقلكوا عليه
انا حطه شويه ملح فى الطبق قومى كده هاتى ملح الاكل
هتلاقيه متغير عنه بكتير