السلام عليكم
مساكم الله بالخير
سعدت بالإنضمام الى هذا الصرح
واتمنى ان اكون خفيف الضل عليكم
وهذا النص المتواضع اقدمه لكم عل وعسى ان يرتقي الى ذائقتكم
[poem=font="Simplified Arabic,5,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
الحقيقه كنت احب وكـان لـي قلـبٍ كبيـر = كنت من حبي لحبك؟ اروي الروح بضمـاي
والحقيقه كنت صادق أحضنك وامسي سِهيـر = كنت خايـف لا أخونـك او تشكّيـن بوفـاي
كنت اصدّق كل كلمه واستمع لـك للأخيـر = واحفظ الحكي بخيالي ثـمّ اصـوّره بهـواي
كنت لاغبتي ؟ أجيلك أسألك وشفيـك خيـر = ياعسى ما طاح دمعه او تعكّر لـك صفـاي
كنت مجنون وخيالي كنت بيـد ينـك أسيـر = كنت رومنسي وشاعر وانتي البـدر بسمـاي
كنت اموت إليا حضرتي واسرق انفاس العبير = وكنت اموت إليا رحلتي واتبع القلب ابخطاي
كنت من زود الوفا لك لاطروا إسمك أغيـر = اقلب الدنيا عليهم واحتـرق واشعـل لظـاي
كنت احنّك من عتابي واحمل اهمومك واسير = خاف لا يغلط لساني أو تقلّـي مـن غـلاي
والحقيقه بعترفلك صـرت معـدوم الضميـر = صرت متشبّع وخاين ما فرق عنـدي ضنـاي
صار لي شعار واحد ( كل فطيره ثمّ طيـر) = ويش ابي في حب ضايع ما يجيب الاّ عنـاي
صار يسكنّي برود وصارت اشواقـي بغيـر = فاقد الإحسـاس ميّـت مايحرّكنـي سـواي
لا تقولي لي احبـك صدقينـي مـا يصيـر = كلمة الحب بزمنا مثل شرب قـلاص مـاي
ما أبي اسمع كلامك وفـري حكيـك كثيـر = وان بكيتي دمعتينـن امسحيهـا مـو خطـاي
الخطا إنـك تحبـي مـا حسبتـي للمصيـر = تحسبين اني اببقى دوم مـا ينقـص عطـاي[/poem]
وسلامتكم
رد مع اقتباس
