[poem=font="Simplified Arabic,6,white,normal,normal" bkcolor="transparent" bkimage="http://www.sfsaleh.com/vb/images/toolbox/backgrounds/21.gif" border="none,4," type=1 line=0 align=center use=ex num="0,black"]
قالت بسافر والوعد عقب يومين
واثر البطى يثر على قلب غالي
قالت معاي ابوي وامي وثنتين
يعني نويتوا للسفر بري حالي
يومين واشوف البطى مثل عامين
والهم والحيره على صدر بالي
والموت يجلبني على كحلة العين
وآموت بين حجاجها والسبالي
عذراء جميله شايله كامل الزين
الله خلقها للحسن والدلالي
الخد مثل البدر في ليل عشرين
والا شبيه البرق بين الليالي
ياللي خذيتي قلب ناصر على وين
هو ماكفى التعذيب وانتي قبالي
متى على ربي معي توفي الدين
واسعد بقربك والوصل راس مالي
عقب السفر حسيت في راحتي لين
واكتب على بيض الورق ماطرالي
حتى القصايد عقبها لي دواوين
فترة بسيطه لكن انها زوالي
ونة قهر هذي حياة المحبين
وفيها الحزين اللي من الهم جالي
عبرة وفيها دمج وحروف تلوين
ومنها حذفت احرف تصدق مقالي
ولاودي ابيّن على ناس حمقين
آخير من نطق السفيه اعتزالي
ترى الدليل بداخل القلب حرفين
مجنونها والموت اشوفه قبالي [/poem]
رد مع اقتباس
