هذي قصة حقيقية واحداثها حصلت لأحد معارفي تدل على أن الرزق لو مكتوب لك يجيك غصبا عنك بيجيك
تعرفون أيام الشيك الذهبي من الاتصالات اللى قامت شركة الاتصالات بشراء باقي سنوات بعض موظفيها الكبار
او أصحاب الخلفيات اللا تقنية والغير مؤهلين تئهيلا كاملا او غير المفيدين للشركة

وقامت بمنحهم شيك سمي الشيك الذهبي للتخلص من هؤلاء الموظفين وهو منتف وحافي
المهم صاحبنا كان واحد منهم واستلم الشيك وكل العالم عرفت أنه تقاعد او اقعد رغما عنه
وفي يوم من الايام جاءه دلال عقارات مو صاحب مكتب من هواة دلالة العقار

وكان يدل على أرض فتره طويلة ولم يشترها أحد وطفش منها قال اوديها لهذا ابو شيك ذهبي
أكيد الرجل مريش وشبعان مر له قال له والله ما أبيها ولا أرغب في شراء أرض عندي بيتي
يكفي أولادي وأولاد اولادي راح الرجال الدلال واستمر يلح عليه كل ما يشوفه في المسجد

او في السوق يا فلان الارض ما تبيها كان يدق عليه بالبيت يصرفه ويقول لاهله قولوا له موب فيه
المهم اشغله في حياته وطفشه منها وقال له مااااااااااااا ابيها تفهم قاله كلها 30.000 الف بس
قال لو بريال الشغله عناااااد صارت

في يوم من الايام وبعد المغرب والرجال لوحده في البيت طق طق طق طق طق
الرجال محد في البيت يصرف الدلال كلهم عند جدانهم طلع فتح له ونفسه في خشمه
قاله وش تبي لابوك لابو اللى عرفني عليك قاله الارض والله اني محتاج

وما معي ريال واحد خذ الصك رهينه لبكرة نفرغ لك
الرجال طفش منه ومن نطته عليه كل شوي قال افتك منه وارتاح
اخذ الرجال الصك ودخل البيت وطلع له 30.000 ريال
الدلال أخذ الفلوس واعطي صاحب الصك واليوم الثاني تم الافراغ
يعني أخذ الأرض بالغصب والعافية ورغما عن نفسه وهو ما يبغاها

هل تعلمون ان الأرض الآن عليها 12.700.000
ويرفض يبيعها
سبحان الله لو لك رزق بيكون مربوط في رجولك مهما رفسته راح يرجع لك
والرزق اللى موب لك والله لو تلاحقة مليون سنة ما يجي لك

أنا واعوذ بالله منها المهنا شخصيا . أرض دفعت لصاحبها مليون ريال لانه جار أخوي ونبي نكون جنب بعض
بس قال مو محتاج لو احتجت راح اجيك الاول واعطيك اعلى سعر قلت له تم

تخيل باعها 500.000 لشخص آخر وسبحان الله يوم عرفت
روحت له قال والله والله ما ادري وش اللى خلاني انسى
ولا محد يكره الزيادة والمصيبة ان الافراغ تم وانتهي

ليش لاني سعيت ودفعت مبلغ أكبر لكن الله مو كاتبها لي
باختصار محد ياخذ غير نصيبة فلو خسرت كل شئ اعلم انها مو مكتوبة لك
hgad; hg`ifd (j[d; lghddk ,Hkj khdl)