البقاء لله وحده
رثائيّه بدون مقدّمات .. كُتِبَت بدموع العيون !
.
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
يادنيا حياتي هم وحزن وألم وذنوب = كلا الضّيم ساس القلب وسقفه وجدرانه
بعد كل ذنب آتوب وأذنب بعد ماتوب = عسى الله يشملني بعفوه وغفرانه
آمنت بجلاله عالم الغيب والمكتوب = الهٍ طلبت ارضاه واهداه سبحـــانه
يابيتٍ جمع الأجواد ماعاده بمرغوب = مَلَلنا ممرّاته وطوبه وعمـــــــدانه
عقب حسّهم ماهوب في حسبتي محسوب = مع الاعتذار لمالكينه وسكّـــــانه
فلا صدمة الخنسا ولاماجرى لــ (يّوب ) = يساوون يومٍ ذقت جوره وحرمانه
نهار ٍ غزير الدمع بلّل كموم الثوب = عيون الملا بالحزن والدّمع غرقانه
فقدنا الحليم الوافي الغالي المحبوب = فقدنا كريمٍ قطّع الشّح باحســـانه
فقدنا أمان الخايف الجالي المنكوب = فقدنا حرارٍ نرتمي تحت جنحانه
الى ميّلت بقعا وما للنجــــاه دروب = سَلَم من تذرّى في ذرى الله وذريانه
وسيع البنايد حسن مظهر وحسن اسلوب = ويشهد له محيّاه وعذوبة لســــانه
وخذا الموت ويّا العود حيّه وتقضي النوب = نباها شذى نرجس وكادي وريحانه
تكالب عليها الناس من كل حدب وصوب = يدين العرب من ماتقدّمه مليـــــانه
رفيعة نسب وأرفع من الذم والعذروب = هي آعف وأطهر سيّده وأنبل انسانه
عساها وشايبها عن الحر واللاهوب = تحت ظل عرش الخالق وداخل جنانه
على حد منزل الأنبيا يوسف ويعقوب = مع المصطفى وآخير ربعه وصحبانه[/poem]
.
وسلامتكم
رد مع اقتباس
المشاركة الأصلية كتبت بواسطة فهد بن عبدان
