السلام عليكم عزيزاتي
هذه اول مشاركه لي في هالمنتدى الجميل.**ترددت وايد قبل اكتب مشكلتي لأني طول**هال وقت كاتمتها بقلبي .
مادري**شنو اكتب وشنو اخلي.**همومي كبرتني عشرين سنه الحمد لله على كل حال .
تزوجت قبل سنه وزواجي تقليدي عن طريق أخته يعني ماعرفه زين**** المهم وافقت بعد ما شفته وكلمته.**للمعلوميه أهوا مطلق دون طفل وصارت له مشاكل وايد مع طليقها وصلت للشرطه. أخته بينت لي انه مظلوم وووووووو أكاذيب وصدقتها.
المهم بعد زواجي اكتشفت أشياء فيه ما يصلي الا حسب مزاجه ايام مرات أشوفه دون صلاه وحسبي الله ونعم الوكيل. الشيء الثاني إحنا بالغرب لانه يدرس**بكالوريوس وانا ملخصه ماجستير. من بدايه زواجنا كان يجئ مرات البيت وفيه ريحه خايسه اكتشفت انه يشرب خمر خصوصا انه مره جاءالبيت وهو ميت سكر ومو قادر يتنفس.بكيت واييييد:eh_s(2)::eh_s(2): على حظي الحمد لله على كل حال****حاولت فيه يتغير بس ماكو فايده لان تربى على هال شيء الله يساعدني بس.** وبصراحه كثرت على الأحزان انا هذا اول زواج لي واهو ثاني زواج يعني خبرتي الجنسيه طبعا معدومه وعندي خوف وتشنج وقت الجماع ابجي وايد وا تشنج واتالم وايد واهوا بس يصرخ كرهني حياتي وكرهني**بالرياييل**زرت معالج بالتنويم الإيحائي أهني بأمريكا بس ماكو فأيده... صار الجماع شيءيخرع لي ... قبل شهرين ردينا الديره اجازه وأبوه النذل كرهني عيشتي بجد متسلط قال لما تردون الديره ابي تسكنون أهني عندي ببيته الي اصلا صغير ويجيب الهم.** حسبي الله عليه. رفضت طبعا وهذا حقي خصوصا اني راح اشتغل ومستعده أجيب لي احسن بيت وانا من صغري عشت عز ولا اني راح ارضي ان خصوصيتي مع ريلي تطلع** ماعرف شلون أتعامل مع هله يا بو**لي الهم**ونكدوا عيشتي**وأبوه**24 ساعه فاتح حلجه:eh_s(14): ويأكل ويأمر ويتسلط وفوق هذا كله لا يمرض ولا يموت**من غير ام زوجي اللي تعطي أوامرها** مره كنت عندهم يوم نمت ودخلوا علي بالغرفة من دون مايطقون الباب هل هذا شيء**يطاق**ودهم يعرفون كل صغيره وكبيره بحياتنا** كرهت أرجع ديرتي عشان ماي تدخلون بحياتنا ، شنو الحل مع هال زواج وراح اذكر بعض صفات زوجي الإيجابيه انه يطبخ ويساعدني بالطبخ**بس من الناحيه الماديه مقصر .. بنات أدعو لي بالخير لي انا اكره شيء اسمه طلاق.**همومي زادت ودي**احل مشاكلي واعيش سعيده.**أرجوكم طلبتكم تدعون لي وتنصحوني. الله يسعدكم

*