السلام عليكم ورحمة الله وبركاته
أسعد الله أوقاتكم جميعاً
[poem=font="Simplified Arabic,5,black,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
يادار أنـا بـأسـألـك ويــن الـمـهـاجــر=اللي عـلـى الـفرقا طواريـه عجلـه
يا ليـتـني دون الـسـفـر صـرت حــاجـر=وإلا مـشـينا الـدرب رجــلي ورجلـه
ما مـلـت دمـوعــي ربــوع الـمـحـاجـر=واسـتـنزلت من بعد ماهـي بخجلـه
أحـسـهـا مـن فــوق خـــدي خـناجـر=وأدعي عسـى مـاراود الدمع نجلـه
الوصـل مـذنـب لـكـن الـبـعـد فــاجــر=ومشـاعر اللـي يـرجي الوصل وجله
وشـلـون هـو بـأسهم عذابي يتاجـر=هـذا وأنـا اللي مـرخـص العـمر لأجله
مـن يـم ربـي كـل مـا يــبـعــد آجـــر=ومن يــم قـلـبي ويـلـه وطـيَ سجلـه
يا شــوق مـن لقـيـاي كنك تضاجـر=وحـيـَـنـت لك ذود(ن) مـن العـام هجله
عشبك صفـقـه البعـد لـوهو مشاجـر=أمـطـر عـلـيـه بـوصـلك الـعذب واجله
ما شوه السـاعــد بـريـــق البـناجـر=ولامـات مـن زود الـظـمـا جــار دجـله
أغلى قصـيدي لأجل عينك تشاجر=مـا فـاز بـه غــيـرك ولا يـنـتـهــج لـه
للـمـهــد خـاط وللتوابيــت نــاجـــر=يـولــد بـه الـعـاشـق ويـلـقا بـه أجلـه
ليت الشفاء بنبعه مثل عـين هاجر=دامـه خـلـيـلي وأصـدق الـوجـد نجلـه
وياليت سـري تحت حـكـم الحناجر=لـكـن دمـوعـي تـسـتـبـيح الفـرج لـه [/poem]
وتقبلوا تحيات أخوكم
أحـمـد بن نـاحـل
رد مع اقتباس
المشاركة الأصلية كتبت بواسطة أحمد بن ناحل
