[align=center]بسم الله الرحمن الرحيم[/align]
أعزائي أضع بين يديكم هذه المتواضعه والتي أتمنى أن تنال على رضاكم .
[poem=font="Simplified Arabic,6,black,bold,italic" bkcolor="transparent" bkimage="" border="solid,4,gray" type=2 line=0 align=center use=ex num="0,black"]
عل مزنن لاح برقه جنوبي ونشا=وارتكز وثعوله السود قدامه تحوش
يسبل خياله على نجد من عقب العشا=ديمتن ومخالط الديم سبالن رشوش
يأخذ اربع عشر ليله بامر ربن يشا=يرزق بفضله عباده ورى سبعن عروش
يسقي العبله ويكتض أبه واد الرشا =والبختري والنواوير تزهر بالجموش
ديرتن فيها ربى الترف ملهوف الحشا=من صباه الغض حتى زهى الكف النقوش
وراكب الي يجرح القاع لامنه مشا =مثل مايجرح صويب الهوى عكش الرموش
وارد اليابان فكسار شوفه ينعشا =منوه الي حاجه الفقر ليدين الخدوش
مركب الي من غرابيل وقته ماخشا =مرتهي ولمركب الجيب يرخص بالقروش
كنه ليا أقبل زعيمن تغطرس وأنتشا= منتصر بالمعركه عقب ماباد الجيوش
وكنه ليا أدبر بعيني مذيرت الرشا=يوم يقفي كن تنهش توايره الوحوش
إن عطاله فنتقن راكبه مايبلشا=مابلشبه لن عطا الوعر ولا مع عتوش
وفوقه الي في عيونه مواري للعشا =ماتسيد للمخاليق في رجوى معوش
ياصل الي جر قلبي كما جر الرشا =من قليبن في خبوتن توارده الطروش
الرفيق الي سمع في هراج الوشا=أستمع فيني كلام المهبل والدفوش
صد عني وأنتحى وأحرق الصد الحشا =وفوق قلبي حط له كويتن كبر البروش
من بعدها مرن أفيق ومرار أغشا=والسهر إملازم العين لوقت الغبوش
يخبره وش صار فيني عيون الاوحشا=المدلل مترف الحال أبو وجهن بشوش[/poem]
رد مع اقتباس
المشاركة الأصلية كتبت بواسطة عبدالله الروقي
