[poem=font="Simplified Arabic,4,white,normal,normal" bkcolor="sienna" bkimage="" border="ridge,4,darkred" type=1 line=0 align=center use=sp num="0,black"]
جعل السحاب اللي به ارعود وارزوم=ينشي على قبور بها ناس بادو
ماكنهم سارو على الارض لو يوم=وماكنهم فالارض عاشوا وسادو
فياكم عرفنا من طحاطيح وقروم=واقارب واصحاب عاشوا ورادو
قضاية اللازم وهل فعل وعزوم=اهل الروابع بالمواجيب جادو
ومقدرين الضيف والجار محشوم=وعلى علوم الطيب ياكم تهادو
وماباقي الا اثار حيطان ورسوم =وماكنها بنيت وسكنت وشادو
فسبحانه الدايم ولا غيره يدوم=وخلقهم من الطين وللطين عادو
والعمر مثل الزرع والزرع مصروم=ومهما تباهو الخلق ولا تمادو
فما فيه شخص صار من الموت معصوم =ولابد من يوم جموعه تقادو
وياويل منهو ياهل الخير محروم=يوم ينادي الحق هيا تنادو
لاجفت الارياق والشوف ملطوم=والخلق من هول القيامه تعادو
وناس على جنات وانهار وغيوم=وناس على نار سعيره تحادو[/poem]
رد مع اقتباس
