العين رائع والهلال ضايع

[كاسب العز]

السلام عليكم ورحمة الله وبركاته


شاهدنا هذا المساء المباره الكبيرة بين العين الإماراتي والهلال السعودي

ورأينا ضياع الفريق الهلالي وتألق الفريق العيناوي

ماهي أسباب أخفاق الهلال هذا المساء

تكتيك المدرب أم تهاون ألاعبين

في وجهة نظري أرى انه الاثنين معن فقد أخطا المدرب في تكتيكه ورأينا أكثر من مره

رجوع القطاني وسامي قبل خروجه إلى المنطقة الخلفية لتغطيه وهذا يثر على آدا لاعب قناص مهاجم

ورأينا الشلهوب مقيد لو كان الشلهوب لاعب حر يصنع الكره للهجوم القطاني والجابر


كان شفنا أهداف أو تكافئ في العب من الفرقين المباره كانت رائعة من طرف واحد فقط الفريق الإماراتي

تحكيم غير مرضي للهلال والجمهور الهلالي كنت اتمناء وجود حكم مثل ابوزنده من اجل أن يفوز الهلال

انظبطو ولا تفهمون غلط !!!!!! :غمزه:

وقفه قبل بداية المباره جوال الهلال في رسالته 93% يتوقعون فوز الهلال

آه آه آه آه يزعيم على الأداء العقيم :اوبس:

مبروك للعين وحظ أوفر للهلال


أخوكمــ كاسب العز

[مهاجر الزعيم]

الف الف مبروك فوز العين
وحظ اوفر لجميع السعوديين
الهلال ارادها كذا نفسيات بالحضيض
اعتقد لو ظهر الهلال بمستواه الحقيقي راح يعرف العين حجمه
واعتقد اننا بالبداية وان شاء الله التعويض قادم بالرياض

تحكيم غير مرضي للهلال والجمهور الهلالي كنت اتمناء وجود حكم مثل ابوزنده من اجل أن يفوز الهلال

حركات الاستبلاه هذي لاتظهر الى اذا انهزم الزعيم
الهلال لايحتاج حكام كما تقول الهلال يحتاج لحكم عادل فقط وعيال عم عمهم الايرانيين عاد ماشاء الله ماقصرو
لكن زي ماقلت مباراة الاياب باستاد الملك فهد ان شاء الله بتكون فوز هلالي

[كاسب العز]

الهلال يحتاج لحكم عادل

نعم هذا مايحتاج له للفوز والتاريخ لايرحم


طلعة اصوت المطالبه بحكم عادل ونسينا ماكان حكم عادل كونه طبق القانون ولاول مره على لاعبي الازيرق

لقد شاهدنا خروج الكروت الملونه فى وقتها بينما تغفل فى بعض المباريات


نعم حكم عادل عدالة الشهير ابو زنده

[مهاجر الزعيم]

الحين انت جاي تتكلم عن المباراة والى تحولها مناظره عن التحكيم
ياحبيبي الهلال خسر وهذي فرصتك انت وضعاف النفوس امثالك لأظهار الحقد على زعيمهم
ولرد قليل ممافعله الهلال بفرقكم المهترية
وانا اقولك للمره الثانية الف مبروك
وحظ اوفر لنا ولجميع السعوديين

[خالدابونواف]

وانتم تبون تفوزون وإلا بتحطونها على راس الحكم .

ليش ما تقولون إن المدرب خبص في المباراة .

ولا تنسون إن عودة لاعبي المنتخب سوى عدم توازن في الفريق .

[كاسب العز]

خسر وهذي فرصتك انت وضعاف النفوس امثالك لأظهار الحقد على زعيمهم


وحظ اوفر لنا ولجميع السعوديين

شيء موغريب هذه الكلمات على هلالى لان الحقيقه طعمها مرر

وحظ اوفر لنا ولجميع السعوديين

حظ اوفر لكم انتم كجمهور هلالى

اما كى سعودين الهلال فريق يمثل نفسه لم ينتخب سفير يمثلنا


كاسب العز

[كاسب العز]

خالدابونواف

والله الحقيقه الثنتين المدرب لخبط الاوراق


والحكم تعامل بحزم مع لاعبين لم يعهدو هذا الحزم من قبل معهم كونهم فرق الحكام

رحم الله عبد الرحمن بن سعود

كاسب العز

كاسب العز

[بسمة امل]

الحكـــــم أخطاء في حق الهلاليين وأي رياضي منصف
بيقول هالكلام ,,

مستوى اللاعبين الهلاليين أمس كان أقل من متوسط ,,

مدرب الهلال أخطاء في التشكيله ,,

تقريباً هذي هي أسباب هزيمة الهلال ,,

ويا أخوان والله إحنا أكبر من كذا ,, الهلال أمس مثّل الوطن
إن كان فيه نقد عليه لازم يكون نقد لمصلحة ممثل الوطن
مو ناخذها فرصة ... !!!!

[هلالي^الشرقية]

مشكور اخوي كاسب العز تحليل جميل عن المباراه

انا ارى ان تكتيك المدرب هو من نرفز الاعبين

[مهاجر الزعيم]

شيء موغريب هذه الكلمات على هلالى لان الحقيقه طعمها مرر

لكن كلامي في محله لك ولأشكالك

والحكم تعامل بحزم مع لاعبين لم يعهدو هذا الحزم من قبل معهم كونهم فرق الحكام

رحم الله عبد الرحمن بن سعود

الهلال زعيم الكرة السعودية وفريق البطولات الاول
اما عذر التحكيم هذي اعذار البلداء امثالكم لأنكم ماتقدرون تجارون الهلال

حظ اوفر لكم انتم كجمهور هلالى

اما كى سعودين الهلال فريق يمثل نفسه لم ينتخب سفير يمثلنا

هههههها
ليه المسألة بكيفك
حبيبي الهلال يمثل الكرة السعودية شئت ام ابيت لئنك
وعلى الاقل احسن من فرقكم الي تكملت عدد فقط
ومره اخرى اقولك مبروك
وحظ اوفر لنا كـهلاليين وسعوديين وان شاء الله نعوضها

[ونة حزن]

صادق بقولك العين رائع



وانت الصراحه برمستك أروع


والمباراه صدق صدق كانت كلها حماس ونشاط


بس آخر شي كلنا خليجيين وان هالفريق فاز أو هالفريق كلنا واحد ^_*


مشكورين


ولي عودهـ

[سعـد]

الف الف مبروك فوز العين

[مبـــارك]

خسارة الهلال امس تتخلص في نقاط حسب وجهة نظري ..

** تكتيك المدرب داج .. وظهر ذلك في اضاعته لتغيير .. واخراجه لسامي .. وعدم ادخال عبدالله الجمعان لان العين مسكر الدفاع وكنا نحتاج لاعب يشوت من خارج منطقة الجزاء ..

** لاعبين الهلال متباعدين وذلك شفنا التمريرات القصيرة والطويلة ضايعة وتنقطع.. وهذا انعكس على عدم وصول الكرة للمهاجمين وصانعي الكرات ..

** ربما الحكم ساعد قليل ولكن بصراحة مهوب عذر يعني على الاقل كنا شفنا مستوى علشان نتعذر ..


المهم الف مبرووك للعين وهاردلك للزعيم وان شاء الله تكون مباراة الاياب افضل وارقى


تحيــاتي لكم

[أسيــ الصمت ــر]

مشكور اخوي على موضوعك ..


1_ مدرب الهلال تكتيكه داج لدرجة الغباء يحط خالد عزيز ظهير ألعن أم الدلاخه ويطلع سامي والشلهوب شي غريب وربي


2_ اللاعبين تأثروا نفسيا بعدة أغلاط من الحكم .. ولكن العين لعب مباراة كبييييييره جدا ..


3_ نبارك للعين الفوز المهم والثلاث نقاط وهارد لك للهلال ولجمهور السعوديه عامة ..


الحكم كان ماسك المباراه صح ومافيه حكم مايغلط ..








الوعد الرياض بإذن الله نوريهم






تحياتي

[شقراء]

كنت اتمنى ان ارى كل لاعب في مكانه الصحيح في الملعب للاسف عزيز ضهير أيمن طيب وين الياس تقول ان مستواه منخفض لعب كل لاعب في مكانة واذا انهزمت ماحد رح يلومك لان هذا أفضل الموجود لكن التخبطات في التشكيل هو السبب في الهزيمة
وبعدين ليش ياسر والصويلح يرجعون للنص حنا ناقصين قلة في الهجوم حتى يرجعون للخلف

اتمنى من الزعيم ان يلملم اوراقة للمواجهه الاهم في الرياض