[align=center][poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
بـنــت الــوطــن ؟
.
أضحك وأسولف لك عن الوضع وأهرج = وأقتل صدى العبره بزيف أبتسامه
نوب أمتطي مهر القصيده ولا سرج = ونوب أمتطيها بالرسن مع الجامه
أحيان من وادي حنيفه الى الخرج = وأحيان تاصل بي مشارف تهامه
لا أشتدت الضيقات من الله تفـْرج = تشبه لدعوة مفطرً من صيامه
ياصاحبي سمعت بالذيب الاعرج = عليه من بين الذيابه علامه
متقلبن يمشي على كل منهج = يلهى مع الاهي ويلبس عمامه
دكتور لكنه غدا دربه ودج = وسلك طريق أهل اللهو والغشامه
لا يردعه وازع ولا هوب مـُحرج = فكره يناقض بالمبأدي كلامه
مايدري أن الحق كالصبح الابلج = نورً يزيل من العيون الغمامه
الحق دربه نور والظلم كالعج = يضّيع الساري بظلمة عسامه
وحنا هل الحجه لحتج نفلج = وأهل المبأدي لين يوم القيامه
بنت الوطن ياللي ثناياكِ تلعج = لا يضّيعك بالعج فرخ النعامه
يابنت ذولا مفرد علوجهم علج = ذولا غزو ستر الوطن وأحترامه
مغسول مخ الرأس والقلب ممرج = من الغرب جونا يدعون الفهامه
وش فايدة مخ الدكاتر ليا أرتج = أنكر حلاله وأستلذ بحرامه
لو كان بعلام السخافه توّهج = يندم بوقتً ماتفيد الندامه
لا مفتين نافع ولا داعية حج = ولا قاضيً عادل رفيعً مقامه
وأن صار كلب بلير ولا بعد جورج = حنا ترانا كلبونا أسامه
0
منصور الرويلي
7 / 2 / 1427
[/poem][/frame][/align]
رد مع اقتباس
المشاركة الأصلية كتبت بواسطة منـصور الـرويلي
[/align]
