السلام عليكم
مسا الخيرات
هذي قصيده اعجبتني اتمنى ان تنال اعجابكم
انـا العزوبـي واتقطـع تقـطـــــاع
على زواج البنـت تدمـع عيونـي
انا العزوبي وين مارحـت مرتـاع
زيـن العـذارء يالعـرب جننونـي
اشوفهم في كـل روحـه ومرجـاع
من حيـث ماوليـت هـم عذبونـــي
فالبيت فالتلفـاز والصـوت مذيـاع
حتـى العمـل يانـاس مافارقونــي
وليا نويت السوق نـاوي تبضـاع
اروح وارجع منخطف حيـل لونـي
ارجع وقلبي حايسٍ بيـن الاضـلاع
مـن زود دقاتـه تخلـع امتـونــــي
اللـي تغنـج فالمشـي بالـتـدلاع
واللـي تناظرنـي بطرفـن فتونـي
وام العيون السود والرمـش قطـاع
وام الجدايـل والكحـل بالجفـونـــــي
وام النقاب اللي تمصعـك تمصـاع
قـدام عينـي والبشـر يشهـدونـي
كنهـا تمتـع فـي عذابـي تمتــــــــاع
وانا العزوبي كان ربـي ف عونـي
واهل الجنوز الضيقه واهل الاوساع
مدري وش اللـي حدهـم يلبسونــــــي
منهـم تجرعـت المـراره تجـراع
في كل يوم يزيد همـي وحزونـي
لو نطلع المريخ في لحظـه وسـاع
نلقـى العوايـل قبلنـا يطلعـونـــــــــي
من بعد طرح وجمع وهموم وصراع
قررت انا اخطب بنت وانهي ظنوني
وفي ليلة الفرحه تقول انـي مرتـاع
ومن زود مافينـي تراقـل سنونـــــي
ابوها قـال اليـوم مانـي بطمـــــاع
عندي شروطن للمهـر واعذرونـي
يقوم يوحي لي ويشـر بالاصبـاع
يبغي المهـر ميتيـن او يكثرونـي
يقول يبغى العرس في قصور واقلاع
ونبغى ذهب لام العروس المزونـي
ونبغى الحلا والكيك من كل الانواع
تـبـون والا ياعـسـا ماتبـونـــــــــي
ناس ٍ تحسب البنت شروه ومبيـاع
تبي المكاسـب لـو زادت ديونــــي
ماهمهم لـو زاد همـي والاوجـاع
ماهمهـم ياكـود ملـي البطـونـي
يامؤمنـن بالله سـاجـد وركــاع
بنتك امانـه حـاذر انـك تخونـي
لا تعنس ابنيتك في سّبـت اشبـاع
نفسك وجمـع افلـوس ماينفعونـي
بكره ليا جتـك المنيـه والاوجـاع
تنـدم ولا ينفعـك دمـع العيونـي
الخيمه اللي بدون عمـدان وشـراع
يمكـن تطيرهـا الهبايـب بهونـي
انـا العزوبـي واتسكـع تسـكـاع
تكفـون بالله يالعـرب زوجونـي
مع ارق التحايا
رد مع اقتباس
