لك نظره تذبح قلوب المحبين
تروح سنين
وباقي بالنفس اثرها
لك عين
مامثلها بعيون المزايين
تهلك الناظر
لامنه نظرها
مساكين اهل الهوى
على بابك مساكين
تتمنى
ود من بنظراته اسرها
خاف ربك
في قلوب المسلمين
كم واحد
من نظرتك دنيته هجرها
هايم قلبه تايه ليله
كله انين
عزة النفس
عقب شوفك خسرها
مانفع به دوى
ولا لوم اللايمين
وان كثرت عليه الملامه كسرها
مالومهم في حبك
يالوجه الحسين
من ناظر عيونك
حفرة قبره حفرها
يطعن بقلبه
مثل طعن السكاكين
عذب جمالك فؤاده
وعينه بهرها
اخاف من اهدابك
والناس منها خايفين
اخاف اروح
عقب النظر في خبرها
انت الحلى
وباقي الناس عنك ناقصين
لو عدوا حلاياك
محدن منهم حصرها
الناس جنب طيبك
كلهم قاسين
الحنيه والعطف
ربي بقلبك نثرها
ليتك نصيبي
يالغضي قل امين
يهنى بك القلب
والعين تنسى سهرها
تفداك نفسي
وايام عمري والسنين
ويفداك هل الدنيا
بدوها وحضرها
رد مع اقتباس
