ارحبوووووووو
بالخير يالربع<<<الاخت عربجيه
وه يازيني بينكم
صراحه تو وانا اراكض ورا اخواني اللي ذابحينن
امي وابوي طالعين ومستلمين الهبال
واحدن رابط الجلال براسه ويقول ((ها قد اتيت)) :icon_twis
والثاني عاقده بحلقه ويقول
((قرب وشف ماذا سافعل بك))
لا ولا اخوي الصغير اللي عمره 3اسنين رابطه بخصره ويقول ((ترزااااااان))<<<<<طرزان بس امدلع :كلوش:
ههههههههههههههههههههههه
ويبدون يتلاحقون واذبحون وانا اطامر وراهم
قسم بالله تعبت
المهم تذكرت سالفتن لنا صارت
يوووووووووووه
صدق يوم قال العلم نور<<<<<ترا ماله دخل هالمثل
لا ولا يوم قالو
ياشين السرج على البقر
المهم
ولا يكثر قرق
جا ذاك اليوم وقلنا الا نبي نطلع من البيت
طنت في راسي الا ابطلع
قالو يابنت الحلال حنا حمايل وشلون نطلع مع بعض
قلت مالي دخل دبروووووووون واقعد اتدحوس عند امي واتلصق<<<<اسلوب اغراء عشان ترحمن :اوبس:
ههههههههههههههههه
قالت امي ياناس فكون منه حرررررررر وافقو ووخروه عن<<<موب حبن بي بس وده تفتك
المهم يفكرون اهلي قالو وشلون نروح كلنا بسياره وحده وكان هذاك الوقت كل العيالين كاشتين
مابه غير واحد نحيف<<<<<تجيكم بعدين فوائد النحف :غمزه:
وسيارته مدري وش اسمه بس نسميه الخنفسانه من شينه
دايم انتطنز عليه
نقول وش تكفي هالسياره راس ويالله يالله
وصار مردنا له
المهم
تخيلو هالسياره هذي بتركب((12)) راكب :11ughboun
لاتقولون تبالغ
تراي صادقه
12 راكب من روس اكبار وروس اصغار وروس شباصات<<<لانه تاخذ مكان :11eatdrop
المهم والله ونركب 5 قدام<<<<مدري وشلون انصفطو
و7 ورا
والله ليتي مصورتنا
فضيعين تخيلو لا طبقات
انا راكبه بالنص وفوقي ولد خالتي الصغير وفوقه اخوه رضيع
يالله يالله انتنفس
والمشكله يقول السواق هاه ضيق ؟؟
واول من يرد انا واقول لااااا وساع بس انت امش
المهم ونروح عند برج ابريده<<<<<<<اللي مايعرفه يسال اللي جنبه
ومستانسين شئ<<<<<<<<تراه تكذب
انكتم همن اطلع راسي من تحت ايد اللي فوقي اخذ هواء وارجع
المهم واسوي نفسي فررررررري واغنيلهم ((سواقنا دوس دوس الله يعطيك العروس...........))
المهم وصلنا للبرج
ويوم ناظر ورا السواق وشاف هالطبقات قال والله ما تنزلون
اسمعو لكم خيارين
يا اني انزل طبقه همن ناخذ دوره وانزل الباقي
ولا تراي ابهج قبلكم همن عاد انزلو
المهم امه قالت لا مالنا خلق تدور بنا دورتين خلاص خلنا ننزل كلنا عادي
المهم هالولد والله لبق عند منطقه مظلمه وطق اللطمه
ويدعس هااااااج وبس يتلفت به احد متابعه ولالا
المهم حنا طلعنا وعينا من الله خير
واستانسنا واكلنا عسكريم<<<<<اهم شئ
ويالله يالله رجعنا خبركم جايين وحنا مهتوين
بس الرجعه اعوذ بالله ((وخر عن__وش تبي انت___لاتدعس على رجلي__هيييييه وخر شوشتك ماشوف__يمااه ناظري ولدتس هالدب عيا يركد.........)) وعلى هالحاله
ورجعنا البيت في امان
ومن بكرا جاينا ولد خالي اللي مودينا امس وهو معصب ويسب
قلنا وراك وش بك :icon_roll
قال ياللي ماتستحون على وجهكم وياللي وياللي
الشرهه على اللي يوديكم مره ثانيه
قلنا وش بكم
قال ان العيال بالحوش<<<يعني بالاستراحه
يقولون شفنا منظر بالحضاري((البرج))شئ شئ
سياره صغيره لبقت ونزلت ناس وبتلت هالسياره تنزل
نحتري هاللي به يقضون نقول ابد هالبزر اللي نزل هو اخر بزر الا والله تنزل بعده مره
وبتل ينزل ركاب
يقولون عجزنا نصدق وشلون هاللي به منرعصين لهالدرجه
عاد يقول ولد خالي ان واحد من العيال يقول صراحه (( ابهرتني))<<<ترا متعوب عليها هالكلمه
هالسياره ابشري مثله صراحه شكله صغيره من برا ومن جوا استراحه
ههههههههههههههههههههههههه هههههههههههه
يقول والعيال منسدحين من الضحك :11ughboun
وانا اضحك معهم عشان مايحسون بشئ
يقول عاد ولد خالي اني علقت وكملت وقلت الله يعين اللي موديهم شكله هج :11ughboun
ههههههههههههههههههههههههه ههههههههههههههههههههههههه ه
ههههههههههههههههههههههههه ههههههههههه
وبس هذي سالفتنا
والاستنتاج
1/((لاتسرع فالماء ثروه))
2/((المهتوي يقطع المستوي))
ههههههههههههههههههههههههه ههههههههههه
مع خالص تمنياتي لكم بالتويسي وعدم اللجه
ووووووه ياحبيلي
رد مع اقتباس
