[poem=font="Simplified Arabic,4,darkblue,bold,italic" bkcolor="transparent" bkimage="backgrounds/19.gif" border="none,4,gray" type=2 line=0 align=center use=ex num="0,black"]
عسى غر المزون اللي تلوح بروقها قبله=تصب السيل من مثناة نجد اليا علاويها
يجي رجعٍ علىنجد العذيه ماحصل قبله=يساقي نجد عرض وطول لين الارض يحيها
تنادى غب سيله ريحت الحوذان والربله=ونفحات الخزامى والنفل حيه تناديها
تعالج خاطرٍ معلول منه الكبد من دبله=تزين النفس والاخلاق والهرجه وراعيها
يسج الرجل عودٍ مبطين ماسج عند أبله=وهاذيه يسرحها وهاذيه يضويها
سلايل راس عودٍ فالليال السود يحسب له=اليا جات اللزوم وقام فالاوضاع ينهيها
وعسى غر المزون اللي تلوح بروقها قبله=تصب السيل من مثناة نجد اليا علاويها[/poem]