السلام عليكم ورحمة الله وبركاته
إسمحولي بهالمشاركه المتواضعه وعسى ان تنال بعض استحسانكم
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
قالوا تحبّه قلـت أحبّـه فـي خفـا=وأحب من حبّه و أحب أمـه وأبـوه
حبٍ على وضح النقا ياهـل الوفـا=شريف والتشريـف للّـي شرّفـوه
مير البلا وإن كان جـوّه مـا صفـا=و حبل الرجا بينـي وبينـه عقّـدوه
غروٍ سلب عقلي و قلبـي وإختفـا=فديتـه بعمـري و مالـي كلّـبـوه
هرجه لذيذ ألـذّ مـن نقـع الصفـا=يا حلو هرجٍ ينطقـه لا فـضّ فـوه
من الحيا و الديـن ملبوسـه ضفـا=الله يرحمـهـم ثنـيـنٍ عقّـبـوه
رجلي على شانـه مقطّعهـا الحفـا=أسجّها من بيت أبوه (إل) بيت أخـوه
عذّبت رجلي من عفيف إليـا الشفـا=تكفـون ياللـي تاصلونـه علّمـوه
قولولـه إن القلـب فـي ودّه هفـا=هفوة ضعيف النفس فـي زادٍ كلـوه
وإن كان في تعذيب قلبي مـا اكتفـا=خلّوه عنكم وإذبـح العلـم إذبحـوه
يا صاحبي وش تستفيد مـن الجفـا=كب الجفا واللـي يواصـل واصلـوه
خليتني عرضـه لخلـق الله (أفـا)=والناس من جا في ألسنتهم شرشحوه
وأنا بلايـه مـن مشاذيـب القفـا=لا سمعـوا إعليـمٍ صغيّـر كبّـروه [/poem]