عودة من جديد أحبائي بعد فترة إنقطاع لم تكن بالطويلة ولكنني اشتقت إليكم كثيراً .. معدي المرقاب
||[ ليـــلة الجمعــــة ]||
' الله أكبر ' يوم عيني شافت اللي غربلتها ٠٠
فجرت صمت المشاعر دمع من فرحة لقاها ٠٠
شافت اللي حيرتها واذهلتها , واعجبتها ٠٠
صورتن من كثر ماهي حلوة اغراها حلاها ٠٠
بعثرت نظراتها , واستجمعتها وارسلتها ٠٠
للجفاف , وتاب , واعلن توبته واروى ضماها ٠٠
من غدير اوصافها اللي فاض من بين اسورتها ٠٠
وانحدر سيله على قاع المعاني وارتواها ٠٠
ذنبه إنه ماعرف وش فرقها عن صاحبتها ٠٠
وعذره إن اجمل ذنوبه يوم طول في جفاها ..
غلطة الشاطر عظيمة لوتهاون عاقبتها ٠٠
لازم انه يعلن التوبة ويقلع عن خطاها ٠٠
ما درى عن ليلة الجمعة ولا عن فاتنتها ٠٠
يوم كانت تفتخر بمسامرتها , واتباها ٠٠
فاحت السهرة بعطر انسامها لين احتوتها ٠٠
وردتين المزهرية ,, واطلقت زفرة شذاها ٠٠
لو نست منصور والغت سيرته من ذاكرتها ٠٠
والله ان تبطي على باله ويبطي مانساها ٠٠
صورت حلم الفراشة في عيونن كحلتها ٠٠
دونها - سود المنايا - ثارت ودارت , رحاها ٠٠
سيف عنتر ,, لو يجاريها ويعرف سالفتها ٠٠
نوخ ركاب المطايا واسرج الخطوة وراها ٠٠
والله إني شفت حاجة مابعد عيني رأتها ٠٠
لوحتن بدري على الرسام ياصل مستواها ٠٠
أذكر إنها مرة ابتسمت وحنت راعدتها ٠٠
واستحى منها السحاب وذوب الثلج بشفاها ٠٠
والحقيقة , قبل اشوف بعيني اللي غربلتها ٠٠
كنت مدري بس كانت ضيقتي تاصل مداها ٠٠
وسلامتكـــــــــــــــم/
الشاعر/ منصـــور اليامي
مـعــدي المـرقـاب
رد مع اقتباس
