[poem=font="Simplified Arabic,6,skyblue,bold,normal" bkcolor="sienna" bkimage="" border="ridge,4,darkred" type=0 line=0 align=center use=sp num="0,black"]
قفى غرام القلب شوق ورى شوق
=شوق مشقيني وشوق شقابي
لاشوق يرحمني ولاشوق يروق
=شوق يعذبني وشوق غدابي
اصبحت اعيش العمر صدمات وحروق
=راحت سنين العمر واقفى شبابي
وين انت ياللي تعطي العهد موثوق
=وين انت ياللي بك يطيب الشرابي
ياللي تحفظ الود بحساس مخلوق
=وتصون عهدي بالهوى ماتهاابي
القى معك راحة معاليق وعروق
=وشرب جمام الشوق عقب السرابي
طالت مشاوير العنا جرح وفتوق
=جرح يطيب وجرح توه سطابي
بنيت قصر الحب في داخل الموق
=قصرٍ جدار ه صادق احساس ذابي
وفرشتله صادق شعوري على فوق
=وزرعت وسطه كل ماشوف طابي
وسقيت حيضانه مخاييل وبروق
=وهبت هبوب الشوق ومطر سحابي
يرعد بها نبض الشرايين ويسوق
=عليه صمام الخفوق المصابي
واصبحت في نار الهوى كلي حروق
=مصيوب ومصوب صويبا مصابي
يارب بدل حرهاا بارد الذوق
=واجبر كسور اللي طواه العذابي[/poem]
لا اله الا الله محمد رسول الله
رد مع اقتباس
المشاركة الأصلية كتبت بواسطة عماش الرقعي
