[align=center]
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
قدر النبي علاّه والي المقادير=حقٍ عليه ان ينصره في كتابه[/poem]
القصيدة لاتحتاج لمقدمه فالموضوع اكبر بكثير
ولانملك سوا التعبير عن ما نكنّه من حب و ود لنبينا صلى الله عليه وسلم
وبالمقابل ما نختزنه من كره وحقد على من مس هذا الدين ومس اشرف البشريه
[poem=font="Arabic Transparent,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لاخير في شعرٍ يجي فيه تقصير=فالذود عن سمعة حبيب الصحابه
المصطفى اللي له مكانه عن الغير=فداه روحي ماتفيد الكتابه
وشلون ابكتب والمصايب مناحير=واكبر مصيبه في زمان الغرابه :
لا والله ألا ذا الزمن جاه تغيير=حتى النبي مسّوا شرفه الكلابه
أن كان ما غرنا متى قلّي نغير؟=هذا السؤال اظن ماله إجابه
متى على الله نرفع الصوت تكبير=السيف طالت مُـدته في جرابه
آمر يابومتعب نجيلك طوابير=ناطا على درب الخطر ما نهابه
وجه السعد نلمح بوجهه تباشير=لا قال ابو متعب يثبّت جوابه
مع وقفة حماة البلاد المغاوير=اللي بمان الله تحكّم كتابه
يرجع لنا ماضي الرجال المسافير=دعواتنا يالله منـْك استجابه
حي القرار اللي يجي فيه تاثير=سحبة سفير المملكه يعتنابه
صدّر قراره حاكمٍ كنّه النير=في موقفه للدين دايم صلابه
واللي يقاطع منتجات الخنازير=لجل النبي يلقى من الله ثوابه
وش فايدة جمع الذهب والدنانير=ونبيّنا الصادق يدنّس جنابه
قدر النبي علاّه والي المقادير=حقٍ عليه ان ينصره في كتابه
غلاه يجري فالمعاليق ويسير=اللي نقل دين الولي واعتنابه
مواقفٍ ماهيب تحتاج تبرير=يا أمة المليار لا وآسفابه
ماعقب تدنيس المصاحف معاذير=ولا عقب سب المصطفى من نهابه
ولا ظنتي عقب المذله مخاسير=الموت أرحم من حياة الكآبه
عشنا وشفنا ياحياة التحاسير=والدين ما عزّوا جنابه شبابه
ان كان ما غاروا وصفـّوا جماهير=جعل الردي الله يعجّل ذهابه
وختامها عد المزون المزابير=وعداد ما سار القلم للكتابه
صلّوا على اللي خصّه الله عن الغير=فداه روحي والأهل والقرابه[/poem]
بأبي أنت وأمي يارسول الله
أخوكم / راكان محمد[/align]