تحيه طيبه مفعمه بالشوق والحنين
وكل عام وأنتم بخير وعافيه
نعتذر كالعادة عن الإنقطاع الإجباري ونتمنى للجميع التوفيق
،
،
" أرجــوك "
.
.
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يامن رماني في معاناة وهموم= وأقفى وقلبي منهمك في همومه
لو جيت ألومك ما بينفعني اللوم= دام الهـوى يازين ضاعت علومه
أصبحت عايش في هواجيس وحلوم= كنّ الحزن بيني وبينه عزومه
والعين ماعاد اهتنت لذة النوم= تسهر شقى ليلك وتسرد نجومه
شرعت في بحرك وأنا جاهل العوم= والبحر ماكل المراكب تعومه
كافي من اطعونك غدى القلب معدوم= والروح من قسوة جفاك امعدومه
أرجوك قبل إتصدر أمرك ومرسوم= إرحم عزيزٍ ذل في وسط قومه
الرزق من رب المخاليق مقسوم= والنفس لو زلّت فلاهي إمعصومه
والناس تحكمها قوانين وسلوم= واللي قضى اللازم بيقضى لزومه
ياصاحبي شوف أمس ما يشبه اليوم= من باع قدر الناس محدٍ يسومه[/poem]
.
.
.
.
مع فائق التقدير والإحترام
،
،
أسير البين