اعتذر عن طول الغياب
إليكم جديدي /
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ماهيب صدفة يوم شفنا بعضنا=أنا تعمّدت الصدف قبل ما ألقاك
لو نتفارق يا الغلا لو فرضنا =تتوقع أني يوم بحاول أنساك ؟!!
ولو كل هالعالم حبيبي بغضنا=أنا معك لو المخاليق تجفاك
حظوظنا طاحت ولكن نهضنا=في حبنا نرقى على متن الأفلاك
حنّا على المكتوب لا ما اعترضنا=لا صار ما نمشي على درب الإشراك
دام الشرف يا أغلى الحبايب غرضنا=يموت من يزرع على دربنا أشواك
كم ساومونا في غلانا ورفضنا=كم حاربونا هناك وهناك وهناك
كم حرب خاضوها العواذل وخضنا=ومسعاي ما خالف ولا يوم مسعاك
وكم عاذلٍ وقفّ قهر واعترضنا=ونقول له روّح عسى الله يرعاك
شف كيف عانينا وكيف اتعضنا=شف كيف خانونا عديمين الإدراك !!
شف كيف حتى الوقت ضاق ولفضنا=وأنته تمنّى شوفتي وأتمناك
لو حطمونا فالليالي عوضنا=أرويك من عيني وأنا أروى بلاماك
يبطون والله يا الغلا ما مرضنا=لإن أنت تهواني وأنا مثلك أهواك
ولأنّا نصون عهودنا ما نقضنا=ولا نعبّر ذاك أو نسمع لذاك
ومن " بنك إحساس المشاعر " قبضنا=شيك المحبة في يميني ويمناك
ألا أنت قل لي لو حبيبي فرضنا=إني أببعد يوم تتوقع أنساك ؟!
تذكر حبيبي يوم شفنا بعضنا=ماهيب صدفة لأني اخترت لقياك[/poem]
رد مع اقتباس
مافي شي اسمه محال
المشاركة الأصلية كتبت بواسطة مفرح بن مناحي
